കേരള കർഷക സംഘം ചെറുവത്തൂർ മുൻ ഏരിയാ കമ്മിറ്റി അംഗം ചീമേനി, പള്ളിപ്പാറയിലെ യു. രാഘവൻ(76) അന്തരിച്ചു

ചെറുവത്തൂർ: കേരള കർഷക സംഘം ചെറുവത്തൂർ മുൻ ഏരിയാ കമ്മിറ്റി അംഗം ചീമേനി, പള്ളിപ്പാറയിലെ യു. രാഘവൻ(76) അന്തരിച്ചു. സി പി എം ലോക്കൽ കമ്മിറ്റി അംഗം, കയ്യൂർ- ചീമേനി ഗ്രാമപഞ്ചായത്ത് അംഗം, ചീമേനി സർവ്വീസ് സഹകരണ ബാങ്ക് സെക്രട്ടറി എന്നീ നിലകളിൽ പ്രവർത്തിച്ചിരുന്നു.

ഭാര്യ: ലീല. മക്കൾ: രഞ്ജിത, രാകേഷ് (സെക്രട്ടറി, സിപിഎം പള്ളിപ്പാറ ബ്രാഞ്ച്), രാഗിത. മരുമക്കൾ; രതീഷ് (വെള്ളിക്കോത്ത്), സതീഷ് ആലക്കാൽ(റിട്ട. ഡിവൈഎസ്പി), രാജി (ഐങ്ങോത്ത്).

സഹോദരങ്ങൾ: നാരായണി, കാർത്യായനി, ലക്ഷ്മി, സരോജിനി, ദേവകി, ഉഷ, പരേതരായ ബാലൻ, ലക്ഷ്മണൻ. വ്യാഴാഴ്ച രാവിലെ 8.30ന് സി പി എം ചീമേനി ലോക്കൽ കമ്മിറ്റി ഓഫീസിലും 9.30ന് പള്ളിപ്പാറ ഇ എം എസ് മന്ദിരത്തിലും മൃതദേഹം പൊതുദർശനത്തിനു വയ്ക്കും. തുടർന്ന് വീട്ടിൽ എത്തിച്ച ശേഷം കള്ളാപ്പാത്തി വാതക ശ്മശാനത്തിൽ സംസ്ക്കരിക്കും.