നീലേശ്വരം, അയ്യാകുന്നത്ത് ഭഗവതി ക്ഷേത്രത്തിൽ വൻ കവർച്ച; തിരുവാഭരണവും ഭണ്ഡാരവും കവർച്ച ചെയ്തു

നീലേശ്വരം : നീലേശ്വരം, അയ്യാകുന്നത്ത് ഭഗവതി ക്ഷേത്രത്തിൽ വൻ കവർച്ച. ശ്രീകോവിലിന്റെ വാതിൽ കുത്തിത്തുറന്ന് അകത്ത് കടന്ന മോഷ്ടാക്കൾ ദേവി വിഗ്രഹത്തിൽ ചാർത്തിയിരുന്നു തിരുവാഭരണവും ഭണ്ഡാരവും കവർച്ച ചെയ്തു. ശനിയാഴ്ച രാവിലെയാണ് കവർച്ച നടന്ന വിവരം അറിഞ്ഞത്. നീലേശ്വരം പൊലീസ് സ്ഥലത്തെത്തി അന്വേഷണം ആരംഭിച്ചു. പാലായി വാർഡിലെ ഇടതു മുന്നണി സ്ഥാനാർത്ഥി അഖിലേഷ്, സിപിഎം ലോക്കൽ സെക്രട്ടറി പി. മനോഹരൻ എന്നിവരും ഭക്തരും സ്ഥലത്തെത്തി. മോഷ്ടാക്കളെ കണ്ടെത്താൻ പൊലിസ് അന്വേഷണം ആരംഭിച്ചു.