ആശുപ്രതി കോമ്പൗണ്ടിൽ പാർക്കു ചെയ്തിരുന്ന ഓട്ടോ റിക്ഷയുടെ ഡാഷ് ബോർഡ് കുത്തിത്തുറന്ന് ബളാൽ സ്വദേശിയുടെ ഏഴുപവൻ സ്വർണ്ണം കവർന്നതായി പരാതി

കാസർകോട് : ആശുപ്രതി കോമ്പൗണ്ടിൽ പാർക്കു ചെയ്തിരുന്ന ഓട്ടോ റിക്ഷയുടെ ഡാഷ് ബോർഡ് കുത്തിത്തുറന്ന് ഏഴുപവൻ സ്വർണ്ണം കവർന്നതായി പരാതി. ബളാൽ സ്വദേശിയായ എം അഷ്റഫിന്റെ പരാതിയിൽ ഹൊസ്ദുർഗ്ഗ് പൊലീസ് അന്വേഷണം ആരംഭിച്ചു. മാവുങ്കാലിലെ സ്വകാര്യ ആശുപത്രി വളപ്പിൽ നിർത്തിയിരുന്ന ഓട്ടോറിക്ഷയിലായിരുന്നു കവർച്ച. വെള്ളിയാഴ്ച രാവിലെ 11 മണിക്കും ഉച്ചയ്ക്ക് രണ്ടുമണിക്കും ഇടയിലാണ് മോഷണം നടന്നത്. അഷ്റഫിന്റെ അളിയന്റെ ഭാര്യയുടേതാണ് മോഷണം പോയ ആഭരണങ്ങളെന്നു പരാതിയിൽ പറഞ്ഞു.