നർക്കിലക്കാട് മൗവേനിയിലും സമീപപ്രദേശങ്ങളിലും ക്ലോറിനേഷനും എലിപ്പനി പ്രതിരോധ മരുന്ന് വിതരണവും നടത്തി

നർക്കിലക്കാട്  : കോട്ടമല എസ്റ്റേറ്റിലുണ്ടായ ഉരുൾപൊട്ടലിനെ തുടർന്ന് വെള്ളപ്പൊക്ക ഭീഷണിയിലായ മൗവേനിയിലും സമീപപ്രദേശങ്ങളിലും രോഗപ്രതിരോധ പ്രവർത്തനങ്ങൾ ഊർജ്ജിതമാക്കി. പ്രദേശത്ത് ക്ലോറിനേഷനും എലിപ്പനി പ്രതിരോധ ഗുളിക വിതരണവും നടപ്പിലാക്കി.

​പഞ്ചായത്ത് പ്രസിഡന്റ് അനു പി.വി, വൈസ് പ്രസിഡന്റ് പ്രസീത രാജൻ, വാർഡ് മെമ്പർ ജോൺ ടി.വി, ജനപ്രതിനിധികളായ ജനാർദ്ദനൻ, പ്രകാശ് കെ.പി, രജനി രാജീവൻ എന്നിവർ ശുചീകരണ-പ്രതിരോധ പ്രവർത്തനങ്ങൾക്ക് നേതൃത്വം നൽകി. ആരോഗ്യവകുപ്പിന്റെ നേതൃത്വത്തിൽ നടന്ന ക്യാമ്പയിനിൽ ജൂനിയർ ഹെൽത്ത് ഇൻസ്പെക്ടർ ശരത് കെ.ആർ, എം.എൽ.എസ്.പി ജോസ്ന തുടങ്ങിയ ആരോഗ്യ പ്രവർത്തകരും പങ്കാളികളായി.

​വെള്ളപ്പൊക്കത്തെ തുടർന്ന് പലിർച്ചവ്യാധികൾ പടർന്നുപിടിക്കുന്നത് തടയുന്നതിന്റെ ഭാഗമായാണ് പഞ്ചായത്തും ആരോഗ്യവകുപ്പും സംയുക്തമായി പ്രതിരോധ നടപടികൾ ശക്തമാക്കിയത്.