കാസർഗോഡ്: ജില്ലാ കളക്ടറുടെ ഓണ്‍ലൈന്‍ അദാലത്ത് .വെള്ളരിക്കുണ്ട് താലൂക്ക് അദാലത്ത് 2021 ജനുവരി 12 ന്

കാസർഗോഡ്: ജില്ലാ കളക്ടറുടെ നേതൃത്വത്തില്‍ നടക്കുന്ന താലൂക്കുതല ഓണ്‍ലൈന്‍ പരാതി പരിഹാര അദാലത്തിലേക്ക് ഡിസംബര്‍ 22 മുതല്‍ അപേക്ഷിക്കാം. വെള്ളരിക്കുണ്ട് താലൂക്ക് അദാലത്ത് 2021 ജനുവരി 12 നും മഞ്ചേശ്വരം താലൂക്ക് അദാലത്ത് ജനുവരി 19 നും കാസര്‍കോട് താലൂക്ക് അദാലത്ത് ജനുവരി 28 നും നടക്കും. വെള്ളരിക്കുണ്ട് താലൂക്ക് അദാലത്തിലേക്ക് ജനുവരി നാല് വരെയും മഞ്ചേശ്വരം താലൂക്ക് അദാലത്തിലേക്ക് ജനുവരി 10 വരെയും കാസര്‍കോട് താലൂക്ക് അദാലത്തിലേക്ക് ജനുവരി 18 വരെയും പരാതികള്‍ സ്വീകരിക്കും.

കുടിവെള്ളം, വൈദ്യുതി ,പെന്‍ഷന്‍, തദ്ദേശ സ്വയംഭരണം, ആരോഗ്യ വകുപ്പ് എന്നീ വിഷയങ്ങളുമായി ബന്ധപ്പെട്ട പരാതികളാണ് അദാലത്തില്‍ പരിഗണിക്കുക. മുഖ്യമന്ത്രിയുടെ ദുരിതാശ്വാസ നിധിയില്‍നിന്നുള്ള ചികിത്സാ സഹായം, ലൈഫ് മിഷന്‍ പദ്ധതി, റേഷന്‍ കാര്‍ഡ് സംബന്ധിച്ച പരാതികള്‍ എല്‍ ആര്‍ എം കേസുകള്‍, സ്റ്റാറ്റിയൂട്ടറിയായി ലഭിക്കേണ്ട പരിഹാരം, പട്ടയത്തിനുള്ള അപേക്ഷ എന്നിവ അദാലത്തിലേക്ക് പരിഗണിക്കില്ല.www.editsrict.kerala.gov.in ലൂടെ ഓണ്‍ലൈനായും അക്ഷയ കേന്ദ്രങ്ങള്‍ വഴിയും പരാതികള്‍ സമര്‍പ്പിക്കാം. താലൂക്ക് ഓഫീസുകളിലും ബന്ധപ്പെട്ട വില്ലേജ് ഓഫീസുകളിലും നേരിട്ടും പരാതികള്‍ സ്വീകരിക്കും. ഓണ്‍ലൈനായി പരാതി പരിഹാര അദാലത്തിലേക്ക് സമര്‍പ്പിക്കുന്ന എല്ലാ പരാതികളും ബന്ധപ്പെട്ട താലൂക്ക് ഓഫീസിലേക്കും അയക്കണം.