കർഷക കൂട്ടക്കൊല: കോൺഗ്രസ് നേതൃത്വത്തിൽ പരപ്പയിലും വെള്ളരിക്കുണ്ടും പ്രതിഷേധ പ്രകടനം നടത്തി

വെള്ളരിക്കുണ്ട്: ഉത്തർപ്രദേശിൽ കർഷകരെ കൊലപ്പെടുത്തിയതിൽ പ്രതിഷേധിച്ച് കിനാനൂർ കരിന്തളം മണ്ഡലം കോൺഗ്രസ് കമ്മറ്റിയുടേയും പരപ്പ ടൗൺ കോൺഗ്രസ് കമ്മറ്റിയുടെയും സംയുക്താഭിമുഖ്യത്തിൽ പരപ്പയിൽ പ്രകടനവുംപ്രതിഷേധ യോഗവും നടത്തി. ടൗൺ കോൺഗ്രസ് പ്രസിഡണ്ട് സിജോ പി.ജോസഫ് , എ പത്മനാഭൻ , ജോണി കൂനാനി, കുഞ്ഞികൃഷ്ണൻ കാളിയാനം, അനൂപ് പാലങ്കി എന്നിവർ പ്രകടനത്തിന് നേതൃത്വം നൽകി. തുടർന്ന് നടന്ന പ്രതിഷേധ യോഗത്തിൽ ബളാൽ മണ്ഡലം കോൺഗ്രസ് പ്രസിഡണ്ട് എം.പി.ജോസഫ്, ബ്ലോക്ക് കോൺഗ്രസ് സെക്രട്ടറി ബാലകൃഷ്ണൻ , കിനാനൂർ-കരിന്തളം മണ്ഡലം വൈസ് പ്രസിഡണ്ട് സി ഒ സജി,ടൗൺ കോൺഗ്രസ് സെക്രട്ടറി മനോഹരൻ എന്നിവർ സംസാരിച്ചു. ബളാൽ മണ്ഡലം നേതൃത്വത്തിൽ വെള്ളരിക്കുണ്ട് ടൗണിൽ നടത്തിയ പന്തം കൊളുത്തി പ്രകടനത്തിന് കർഷക കോൺഗ്രസ് ജില്ലാ പ്രസിഡണ്ട് രാജു കട്ടക്കയം, ജോമോൻ ജോസ്, എം.പി ജോസഫ്, ഷോബി ജോസഫ് തുടങ്ങിയവർ നേതൃത്വം നൽകി