വെള്ളരിക്കുണ്ടിൽ ആരംഭിച്ച കർഷകസ്വരാജ് സത്യാഗ്രഹത്തിന് സംസ്ഥാനതലത്തിൽ കരുത്തുപകരാൻ ഐക്യദാർഢ്യ സമിതിക്ക് രൂപം കൊടുത്തു

െള്ളരിക്കുണ്ട്: വന്യമൃഗശല്യത്തിന് ശാസ്ത്രീയവും സുസ്ഥിരവുമായ പരിഹാരമാവശ്യപ്പെട്ട് ആഗസ്റ്റ് 15 മുതൽ വെള്ളരിക്കുണ്ടിൽ ആരംഭിച്ച കർഷകസ്വരാജ് സത്യാഗ്രഹത്തിന് സംസ്ഥാനതലത്തിൽ കരുത്തുപകരാൻ ഐക്യദാർഢ്യ സമിതിക്ക് രൂപം കൊടുത്തു. കേരളത്തിലെ വിവിധ സ്വതന്ത്ര കർഷക സംഘടനകളുടെയും പൗരസമൂഹ പ്രസ്ഥാനങ്ങളുടെയും പ്രതിനിധികൾ പങ്കെടുത്ത ഓൺലൈൻ യോഗത്തിൽ വച്ചാണ് ഐക്യദാർഡ്യ സമിതി രൂപീകരിച്ചത്.

ഏകതാ പരിഷത്ത് സ്ഥാപകനും ഗാന്ധിയനുമായ പി.വി. രാജഗോപാൽ , കൂടങ്കുളം സമരനായകൻ ഡോ. എസ്. പി ഉദയകുമാർ എന്നിവരാണ് രക്ഷാധികാരികൾ. കേരള വ്യാപാരി വ്യവസായി ഏകോപന സമിതി സംസ്ഥാന വൈസ് പ്രസിഡൻ്റ് കെ. അഹമ്മദ് ഷെരീഫ് ചെയർമാനും രാഷ്ട്രീയ കിസാൻ മഹാസംഘ് സംസ്ഥാന ചെയർമാൻ അഡ്വ. ബിനോയി തോമസ് ജനറൽ കൺവീനറുമാണ്. പ്ലാച്ചിമട സമര നേതാവു് വിളയോടി വേണുഗോപാൽ , പ്രമുഖ ആദിവാസി നേതാവായ ഡോ. കെ. അമ്മിണി, ഭൂസമര നേതാവ് ശ്രീരാമൻ കൊയ്യോൻ, പരിസ്ഥിതിപ്രവർത്തകൻ അഡ്വ. ജോർജുകുട്ടി കടപ്ളാക്കൽ,കേരള സർവ്വോദയ മണ്ഡലം പ്രസിഡൻ്റ് ടി.കെ.എ അസീസ് എന്നിവരാണ് വൈസ് ചെയർമാൻമാർ. വൺ ഇൻഡ്യ വൺ പെൻഷൻ ദേശീയ പ്രസിഡൻ്റ് റോജർ ഇടയോടി, ഏകതാ പരിഷത്ത് സംസ്ഥാന കൺവിനർ സന്തോഷ് മലമ്പുഴ, കേരള ആദിവാസി ഫോറം പ്രസിഡൻ്റ് സത്യ അരുവളക്കോട്, ഗാന്ധിയൻ കളക്ടീവ് സംസ്ഥാന കൺവീനർ ഡോ. ബാബു ജോസഫ്,റോസ് ചന്ദ്രൻ എന്നിവരാണ് കൺവീനർമാർ

സി.ആർ. നീലകണ്ഠൻ, കെ.വി. ബിജു, തോമസുകുട്ടി മുതുപുന്നക്കൽ പ്രൊഫ.കുസുമം ജോസഫ്, പി.റ്റി. ജോൺ,ഷുക്കൂർ കണാജെ,വിനോദ് പയ്യട, വിജയരാഘവൻ ചേലിയ, അഡ്വ ജോൺ ജോസഫ്, മുതലാംതോട് മണി തുടങ്ങിയ വിവിധ സംഘടനാ നേതാക്കളടങ്ങുന്ന പ്രവർത്തക സമിതിയെയും തിരഞ്ഞെടുത്തു

ഐക്യദാർഢ്യ സമിതിയുടെ മേഖലാ യോഗങ്ങൾ കോഴിക്കോട് തൊടുപുഴ കൊല്ലം എന്നിവടങ്ങളിൽ വിളിച്ചു ചേർക്കുന്നതിന് ഓൺലൈൻ യോഗം തീരുമാനിച്ചു. ആദ്യയോഗം13 ന് കോഴിക്കോട് വ്യാപാരഭവനിൽ നടക്കും.

കർഷകസ്വരാജ് സത്യാഗ്രഹം അൻപതു ദിവസം പൂർത്തിയാവുന്ന ഒക്ടോബർ 4 ന് വെള്ളരിക്കുണ്ടിൽ വിപുലമായ സംസ്ഥാനതല ഐക്യദാർഢ്യ സംഗമം നടത്തുന്നതിനും തുടർന്ന് സംസ്ഥാന തലത്തിൽ പ്രചരണ വാഹന ജാഥാ നടത്തുന്നതിനും ഐക്യദാർഢ്യ സമിതി തീരുമാനിച്ചിട്ടുണ്ട്.

അഡ്വ ബിനോയി തോമസ്

ജന.കൺവീനർ