വീട്ടുകാരെ ഭയപ്പെടുത്താൻ തൂങ്ങി മരിക്കുന്നതായി അഭിനയിച്ച് കഴുത്തിൽ തുണി കുരുങ്ങി മരിച്ച പാണത്തൂരിലെ ഹരിദാസിന്റെ മൃതദേഹം സംസ്കരിച്ചു

പാണത്തൂർ : വീട്ടുകാരെ ഭയപ്പെടുത്താൻ തൂങ്ങി മരിക്കുന്നതായി അഭിനയിച്ച് കഴുത്തിൽ തുണി കുരുങ്ങി മരിച്ച ഹരിദാസിന്റെ മൃതദേഹം സംസ്കരിച്ചു.  കാഞ്ഞങ്ങാട് ജില്ലാ ആശുപത്രിയിൽ പോസ്റ്റ് മോർട്ടത്തിനു ശേഷം ഇന്നലെ വൈകിട്ട് വീട്ടുവളപ്പിൽ സംസ്കരിച്ചു. 

ഇന്നലെ ഹരിദാസ് വീട്ടുകാരുമായി കലഹിച്ചിരുന്നു. ഭാര്യയെ ഭയപ്പെടുത്താൻ കിടപ്പുമുറിയിലെ ജനാല കമ്പിയിൽ തുണികൊണ്ട് കെട്ടി കഴുത്തിൽ ഇട്ടിരുന്നു. ഇതിനിടെ അബദ്ധത്തിൽ തുണി കഴുത്തിൽ കുടുങ്ങുകയായിരുന്നെന്നാണ് റിപ്പോർട്ട്. നേരത്തെയും പലതവണ തൂങ്ങി മരിക്കുന്ന രംഗം വീട്ടുകാരെ അഭിനയിച്ചു കാട്ടാറുണ്ടായിരുന്നു. അതിനാൽ വീട്ടുകാർ ഈ സംഭവം കാര്യമായെടുത്തില്ല. പിന്നീട് കളി കാര്യമായി എന്ന് മനസ്സിലായതോടെ വീട്ടുകാർ പരിസരവാസികളെ വിവരമറിയിച്ചു. തുടർന്ന് ഉടൻ തന്നെ കാഞ്ഞങ്ങാട് ജില്ലാ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. നിർമ്മാണതൊഴിലാളി ആയിരുന്ന ഹരിദാസ് എന്നും മദ്യപിച്ച് വീട്ടിൽ ബഹളം ഉണ്ടാക്കുമായിരുന്നുവെന്ന് വീട്ടുകാർ പറയുന്നു. കൊട്ടൻ- കാർത്തിയായിനി ദമ്പതികളുടെ മകനാണ്. ജീനയാണ് ഭാര്യ. ആദർശ്, ആകാശ് എന്നിവർ മക്കളാണ്. സഹോദരൻ രതീഷ്.