പാണത്തൂർ കുടുംബ സഹായ നിധിയിലേക്ക് കൈത്താങ്ങാകാൻ കുടുക്കയിലെ സമ്പാദ്യവുമായി ബളാംതോട് സ്ക്കൂളിലെ 5-ാം ക്ലാസ്സുകാരനും

പാണത്തൂർ: പാണത്തൂർ പരിയാരത്ത് നടന്ന ലോറി അപകടത്തിൽ മരണമടഞ്ഞ കുടുംബങ്ങളെ സഹായിക്കുന്നതിന് വേണ്ടി പഞ്ചായത്തിൽ രൂപീകരിച്ച ജനകീയ സമിതിക്ക് തൻ്റെ കുടുക്കയിൽ സ്വരൂപിച്ച തുക നൽകി 5-ാം വയസ്സുകാരൻ. പാണത്തൂർ കേളപ്പൻ കയത്തെ ഓട്ടോറിക്ഷാ ഡ്രൈവറായ സദാനന്ദൻ്റേയും ബളാംതോട് ഗവ:ഹയർ സെക്കൻററി സ്കൂളിലെ എസ്. പി.സി സി.പി.ഒ കെ കമലാക്ഷിയുടെ മകനും ബളാംതോട് ഗവൺമെൻ്റ് സ്കൂളിലെ 5-ാം ക്ലാസ്സ് വിദ്യാർത്ഥിയുമായ നിരഞ്ജനാണ്  കുടുക്കയിലെ തൻ്റെ സമ്പാദ്യമായ 436 രൂപ സമിതി പ്രവർത്തകരെ ഏൽപിച്ചത്. അച്ഛൻ  നൽകുന്ന ചെറിയ തുകകൾ കുടുക്കയിൽ നിക്ഷേപിക്കുന്ന നിരഞ്ജൻ വീട്ടിലെത്തിയ സമിതി പ്രവർത്തകരോട് തൻ്റെ സമ്പാദ്യം സ്വീകരിക്കാൻ ആവശ്യപ്പെടുകയാണ് ചെയ്തത്.