കാസർകോട് റെയിൽപാളം പരിശോധിക്കുന്നതിനിടെ ട്രാക്ക് മാൻ ട്രെയിൻ തട്ടിമരിച്ചു
കാസര്‍കോട്: കാസര്‍കോട് റെയില്‍പാളം പരിശോധിക്കുന്നതിനിടെ ട്രാക്ക് മാന്‍ ട്രെയിന്‍ തട്ടിമരിച്ചു. ആന്ധ്രാപ്രദേശ് സ്വദേശി പാഗുവോട്ടി നവീന് (25) ആണ് മരിച്ചത്. രാവിലെ 9.15 ന് ഷിറിയ പാലത്തിന് സമീപമായിരുന്നു അപകടം.മുട്ടം മുതല്‍ കുമ്പള വരെയുള്ള ട്രാക്കിന്റെ പരിശോധനാ ചുമതലയായിരുന്നു നവീന് ഉണ്ടായിരുന്നത്. പാലത്തിന് സമീപം ട്രാക്ക് പരിശോധിക്കുന്നതിനിടെ മംഗലാപുരത്തേക്ക് പോവുകയായിരുന്ന ചെന്നൈ സൂപ്രര്‍ഫാസ്റ്റ് ട്രെയിന്‍ തട്ടിയായിരുന്നു അപകടം. വിവരമറിഞ്ഞ് റെയില്‍വേ അധികൃതരും പൊലീസും സ്ഥലത്തെത്തി. പൊലീസ് അന്വേഷണം ആരംഭിച്ചിട്ടുണ്ട്. അടുത്തിടെയാണ് നവീന് റെയില്‍വേയില്‍ ജോലിക്ക് കയറിയത്.മൃതദേഹം പോസ്റ്റ് മോര്‍ട്ടത്തിന് ശേഷം ബന്ധുക്കള്‍ക്ക് വിട്ടുകൊടുക്കും
No comments