പോർച്ച് തകർന്ന് വീണത് നിർമാണത്തിനിടെ; രണ്ട് തൊഴിലാളികൾക്ക് ദാരുണാന്ത്യം മൂന്ന് പേർ അത്ഭുതകരമായി രക്ഷപെട്ടു

മാവേലിക്കര: തഴക്കരയിൽ വീടിനു സമീപം നിർമിച്ചുകൊണ്ടിരുന്ന പോർച്ചിന്റെ കോൺക്രീറ്റ് മേൽക്കൂര തകർന്ന് വീണ് രണ്ട് തൊഴിലാളികൾക്ക് ദാരുണാന്ത്യം. മൂന്നുപേർ അത്ഭുതകരമായി രക്ഷപ്പെട്ടു. കല്ലുമല, പുതുച്ചിറ, പ്ലാവിള വടക്കതിൽ ആനന്ദൻ (കൊച്ചുമോൻ-54), ചെട്ടികുളങ്ങര, പേള പേരേക്കാവിൽ സുരേഷ് ഭവനത്തിൽ, സുരേഷ്(57) എന്നിവരാണ് മരിച്ചത്. ഇവർക്ക് ഒപ്പമുണ്ടായിരുന്ന പോനകം മംഗാലവടക്കതിൽ ശിവശങ്കർ(39), കാട്ടുവള്ളിൽ, കുറ്റിയിൽ വീട്ടിൽ സുരേഷ്(56), കൃഷ്ണപുരം കാപ്പിൽ കളരിക്കൽ വടക്കതിൽ രാജു(65) എന്നിവരാണ് രക്ഷപട്ടത്.