കാസർകോട്ജില്ലാ എംപ്ലോയ്മെന്റ് എക്സ്ചേഞ്ചിന്റെ ആഭിമുഖ്യത്തിൽ നാലിന് പെരിയ എസ്എൻ കോളേജിൽ തൊഴിൽ മേള നടക്കും

കാസർകോട്ജില്ലാ എംപ്ലോയ്മെന്റ് എക്സ്ചേഞ്ചിന്റെ ആഭിമുഖ്യത്തിൽ നാലിന് പെരിയ എസ്എൻ കോളേജിൽ തൊഴിൽ മേള നടക്കും. 50 കമ്പനികളിൽനിന്നായി 1000ൽ അധികം ഒഴിവുകൾ റിപ്പോർട്ട് ചെയ്തിട്ടുണ്ട്. ബാങ്കിങ്, ഹോസ്പിറ്റാലിറ്റി ആരോഗ്യം, ഇൻഷുറൻസ്, ഓട്ടോമൊബൈൽസ് എൻജിനിയറിങ്, വിദ്യാഭ്യാസം തുടങ്ങിയ വിവിധ മേഖലകളിലെ കമ്പനികൾ പങ്കെടുക്കും. ബോബി ചെമ്മണ്ണൂർ ജ്വലേഴ്സ്, യുണൈറ്റഡ് മെഡിക്കൽ സെന്റർ, ജി ടെക്, വിർ മഹീന്ദ്ര, സുൽത്താൻ ഡയമണ്ട്സ്, സിഗ്നേച്ചർ ഓട്ടോമൊബൈൽസ് തുടങ്ങിയ കമ്പനികൾ പങ്കെടുക്കുന്നുണ്ട്. രാവിലെ 10ന് സി എച്ച് കുഞ്ഞമ്പു എംഎൽഎ ഉദ്ഘാടനം ചെയ്യും. ഉദ്യോഗാർഥികളുടെ രജിസ്ട്രേഷൻ രാവിലെ 9.30 മുതൽ ആരംഭിക്കും. നാലിന് എസ്എൻ കോളേജ് സ്ഥിതി ചെയ്യുന്ന ചാലിങ്കാലിൽ എല്ലാ കെഎസ്ആർടിസി ബസ്സുകൾക്കും താൽക്കാലിക സ്റ്റോപ്പ് അനുവദിച്ചിട്ടുണ്ട്.