പോക്സോ കേസിലെ പ്രതിയായ ചെറുപുഴ സ്വദേശിക്ക് 23 വർഷം കഠിന തടവും മുക്കാൽ ലക്ഷം രൂപ പിഴയും ശിക്ഷ വിധിച്ചു

ചെറുപുഴ : പതിനാലു വയസുകാരിയെ ലൈംഗികമായി പീഡിപ്പിച്ച യുവാവിന് 23 വർഷം കഠിനതടവും 75,000 രൂപ പിഴയും ശിക്ഷ വിധിച്ചു. തിരുമേനി പ്രാപ്പൊയിൽ ഇയ്യംകല്ലിലെ കൊച്ചുചിറയിൽ വീട്ടിൽ ജിതിൻ രാജു എന്ന ഉണ്ണിയെയാണ്(25) തളിപ്പറമ്പ് അതിവേഗ പോക്സോ കോടതി ജഡ്ജി ആർ.രാജേഷ് ശിക്ഷിച്ചത്.

2022 ജനുവരിയിലായിരുന്നു കേസിനാസ്പദമായ സംഭവം നടന്നത്. അന്നത്തെ ചെറുപുഴ ഇന്‍സ്‌പെക്ടര്‍ കെ.എ.ബോസും സബ് ഇന്‍സ്‌പെക്ടര്‍ എം.പി.ഷാജിയുമാണ് കേസന്വേഷിച്ച്‌ പ്രതിയെ അറസ്റ്റ് ചെയ്യുകയും കുറ്റപത്രം സമര്‍പ്പിക്കുകയും ചെയ്തത്. പ്രോസിക്യൂഷനുവേണ്ടി സ്‌പെഷ്യല്‍ പബ്ലിക്ക് പ്രോസിക്യൂട്ടര്‍ അഡ്വ.ഷെറിമോള്‍ ജോസ് ഹാജരായി.