പ്രമുഖ വ്യാപാരിയും കാഞ്ഞങ്ങാട് മർച്ചന്റ്സ് അസോസിയേഷൻ മുൻ പ്രസിഡന്റുമായ കെ ഉമേഷ് കമ്മത്ത് (78) അന്തരിച്ചു

കാഞ്ഞങ്ങാട് : നഗരത്തിലെ ആദ്യകാല വ്യാപാരിയും വ്യവസായ സംരംഭകനും കെ.ഉമേശ് കാത്ത് കമ്പനിയുടെ ഉടമയുമായ മേലാങ്കോട്ട് എസ്എസ് കലാമന്ദിരത്തിനു സമീപം ശ്രീവിട്ടലിൽ കെ.ഉമേശ് കാമത്ത് 78 നിര്യാതനായി. കാഞ്ഞങ്ങാട് വ്യാപാരി വ്യവസായി ഏകോപന സമിതി പ്രസിഡൻറ്, ഹോസ്ദുർഗ് ലക്ഷ്മീവെങ്കടേശ ക്ഷേത്രം മാനേജിംഗ് ട്രസ്റ്റി, ജിഎസ്ബി ഗ്രാമസഭാ പ്രസിഡൻറ്, കാഞ്ഞങ്ങാട് ചിന്മയ മിഷൻ പ്രസിഡൻറ്, ദുർഗ ഹയർസെക്കൻഡറി സ്കൂൾ, പടന്നക്കാട് നെഹ്റു കോളേജ് എന്നിവയുടെ ഭരണസമിതിയംഗം എന്നീ നിലകളിൽ പ്രവർത്തിച്ചിരുന്നു. കാഞ്ഞങ്ങാട്ടെ ആദ്യത്തെ മിഠായി നിർമാണശാലയായ ബ്രൂക്സ് കൺഫെക്ഷനറി ഉടമയായിരുന്നു. ഭാര്യ: വീണാ കാമത്ത്. മക്കൾ: രാജേഷ് കാമത്ത്(ഉമേശ്കോ, സെൽഫ് ഗ്രോത്ത് നിധി ലിമിറ്റഡ് എന്നിവയുടെ മാനേജിങ് ഡയറക്ടർ, റോട്ടറി മേഖലാ കോഓർഡിനേറ്റർ, കാഞ്ഞങ്ങാട്), ഡോ. പ്രകാശ് കാമത്ത്(ദന്തരോഗ വിദഗ്ധൻ, മെൽബൺ, ഓസ്ട്രേലിയ), നയന പ്രഭു(ബെംഗളൂരു). മരുമക്കൾ: രാധിക കാമത്ത്(ഉമേശ്കൊ ഗ്യാസ് ഏജൻസി, കാഞ്ഞങ്ങാട്) ഡോ. രേഷ്മ കാമത്ത്(ദന്തരോഗ വിദഗ്ധ, മെൽബൺ, ഓസ്ട്രേലിയ), ഹരീഷ് പ്രഭു (സോഫ്റ്റ് വെയർ എൻജിനീയർ, പാത്ത് എൻജിൻസ്, ബെംഗളൂരു). സഹോദരങ്ങൾ: ഉഷ ഡി ഭക്ത(മണിപ്പാൽ), ഡോ. കെ.ജി. കാമത്ത്(പാലക്കാട്), രത്നാകർ കാമത്ത് (ബെംഗളൂരു), ദയാനന്ദ് കാമത്ത്(മംഗളൂരു), പരേതരായ സുനന്ദ കാമത്ത്, കൃഷ്ണാഭായി പൈ, രുക്മാഭായി ഷേണായ്. സംസ്കാരം ശനിയാഴ്ച ഉച്ചക്ക് ഒരു മണിക്ക് മേലാങ്കോട്ടെ സമുദായ ശ്മശാനത്തിൽ.