പാണത്തൂർ : നവംബർ 26 ഭരണഘടനാ ദിനത്തോടനുബന്ധിച്ച് ജി.ഡബ്ല്യൂ. എച്ച്.എസ് പാണത്തൂരിലെ കുട്ടികൾ സമ്മതിദായകാവകാശ ബോധവത്കരണം നടത്തി. KKPP പാർട്ടിക്ക് വേണ്ടി കുറ്റിച്ചൂൽ അടയാളത്തിൽ പി.പി. കുമാരനായി ഫാത്തിമത്ത് ജഫ്നയും അനുയികളായി മിഥില എ., ഇഷ ഫാത്തിമ, മറിയം റായിഫ എൽ., ആദ്യ നാഗേഷ്, ദിയ ദീപു, നാസിം ഇബ്രാഹിം, മുഹമ്മദ് മുനവ്വിർ, മുസമ്മിൽ അലി, മുനവ്വിർ അലി, മുഹമ്മദ് ഷാസിൽ എന്നീ കുട്ടികളും വേഷമണിഞ്ഞു. പാണത്തൂർ ടൗണിലും പരിസരത്തും വോട്ടഭ്യർത്ഥന നടത്തിയ ശേഷം ചെമ്പേരി ബസ്റ്റാൻഡിന്റെ പരിസരത്തെത്തിയ സംഘം പനത്തടി പഞ്ചായത്ത് കാര്യാലയ പരിസരത്ത് വെച്ച് യാദൃച്ഛികമായി യഥാര്‍ത്ഥ സ്ഥാനാര്‍ത്ഥികളെ കണ്ടപ്പോൾ കുട്ടികൾ ആവേശഭരിതരായി. യഥാര്‍ത്ഥ സ്ഥാനാര്‍ത്ഥികൾക്ക് ഹസ്തദാനം നൽകി 'ഹരിത പ്രോട്ടോകോൾ' പാലിച്ചുകൊണ്ട് മാത്രം പ്രചരണം നടത്തണമെന്ന് ഓർമ്മിപ്പിച്ചു കൊണ്ട് ഉച്ചയോടെ കുട്ടികൾ സ്കൂളിലേക്ക് മടങ്ങി.
No comments