കുവൈറ്റ് വിമാനത്താവളം 21ന് തുറക്കും; സര്വീസുള്ളത് ഈ രാജ്യങ്ങളില് നിന്നും
കുവൈറ്റ്: വിദേശ രാജ്യത്ത് നിന്നും യാത്രക്കാര്ക്ക് ഏര്പ്പെടുത്തിയ നിയന്ത്രങ്ങളില് ഇളവ് . ഫെബ്രുവരി 21 മുതല് വിദേശികളെ രാജ്യത്തേക്ക് പ്രവേശിക്കാന് അനുമതി. യാത്ര നിരേധനം ഉള്ള രാജ്യങ്ങളില് നിന്നും വിമാന സര്വീസുകള് ഇല്ല. 35 രാജ്യങ്ങള് ആണ് ഈ പട്ടികയില് ഉള്ളത്. എന്നാല് കുവെെറ്റില് എത്താന് മറ്റൊരു രാജ്യത്ത് 14 ദിവസം ക്വാറന്റീൻ ഇരുന്ന ശേഷം കുവൈറ്റില് പ്രവേശിക്കാം. ഇപ്പോള് ദുബായില് ക്വാറന്റീൻ കഴിയുന്ന മലയാളികള്ക്കാണ് ഈ തീരുമാനം വലിയ ആശ്വാസമാകുന്നത്. ഇന്ത്യയില് നിന്നും കുവെെറ്റിലേക്ക് നേരിട്ട് വിമാന സര്വീസുകള് ഇല്ല. മറ്റൊരു രാജ്യത്ത് 14 ദിവസം ക്വാറന്റീൻ കഴിഞ്ഞ ശേഷം കുവെെറ്റിലേക്ക് ഇന്ത്യക്കാര്ക്ക് പ്രവേശിക്കാം.
രാജ്യത്തേക്ക് എത്തുന്ന വിമാനത്തില് 35 യാത്രക്കാർ മാത്രമേ യാത്ര ചെയ്യാന് പാടുള്ളു. 100 പേർക്ക് മാത്രമാണ് ഒരു ദിവസം പ്രവേശിക്കാന് അനുമതി നല്കിയിട്ടുള്ളത്. രാജ്യത്തിന് പുറത്തേക്കുള്ള വിമാനത്തില് യാത്രക്കാരുടെ എണ്ണത്തിൽ നിയന്ത്രണം ഇല്ല.
കുവൈറ്റില് നേരിട്ട് എത്തുന്ന മറ്റു രാജ്യക്കാര്ക്ക് 7 ദിവസം ക്വാറൻറീന് നിര്ബന്ധമാണ്. ഹോട്ടലില് ആണ് കഴിയേണ്ടത് . സ്വന്തം ചെലവിൽ ആയിരിക്കണം ഇവര്ക്ക് ക്വാറൻറീന് കഴിയേണ്ടത്. പിന്നീട് ഏഴ് ദിവസം കഴിഞ്ഞ് ആർടി പിസിആർ പരിശോധന നടത്തണം. Kuwait Mosafer എന്ന് ആപ്പിലൂടെ ഹോട്ടൽ ബുക്കിങ് ഉറപ്പാക്കിയ ശേഷം മാത്രമേ രാജ്യത്തേക്ക് പ്രവേശിക്കാന് സാധിക്കുകയുള്ളു. കൊവിഡ് പോസിറ്റീവായാല് വീണ്ടും ക്വാറൻറീന് കഴിയണം. പുതിയ നിബന്ധനകള് വലിയ ചെലവാണ് യാത്രക്കാര്ക്ക് നല്ക്കുന്നത്.
No comments