കോടോംബേളൂരിൽ അധികനിയന്ത്രണം: ശനി, ഞായർ ദിവസങ്ങളിൽ സമ്പൂർണ്ണ ലോക്ഡൗൺ പാൽ, പത്രവിതരണം എന്നിവയ്ക്ക് മാത്രം അനുമതി
ഒടയഞ്ചാൽ: കോടോം ബേളൂര്‍ ഗ്രാമപഞ്ചായത്ത് ഡി കാറ്റഗറിയില്‍ ആയതിനാലും, കഴിഞ്ഞ രണ്ട് ദിവസങ്ങളിലും ടെസ്റ്റ് പോസിറ്റിവിറ്റി നിരക്ക് ക്രമാതീതമായി വ‍ര്‍ദ്ധിച്ചതിനാലും ചുവടെ രേഖപ്പെടുത്തുന്ന കര്‍ശന നിര്‍ദ്ദേശങ്ങള്‍ നടപ്പിലാക്കുന്നതിന് പഞ്ചായത്ത്ഹാളില്‍ ഇന്ന് ചേര്‍ന്ന (09.07.2021) അടിയന്തിര യോഗത്തില്‍ തീരുമാനിച്ചു.
1. ശനിയും , ഞായറും കര്‍ശനമായ സമ്പൂര്‍ണ്ണ ലോക്ക്ഡൗണ്‍. പാല്‍ വിതരണം സൊസൈറ്റിവഴി മാത്രം, പത്രം, പെട്രോള്‍പമ്പ് എന്നിവയ്ക്ക് മാത്രം അനുമതി
2. മറ്റ് ദിവസങ്ങളില്‍ അവശ്യ സാധനങ്ങള്‍ വില്‍ക്കുന്ന കച്ചവട സ്ഥാപനങ്ങള്‍ രാവിലെ 8 മണി മുതല്‍ വൈകുന്നേരം 5 മണി വരെ മാത്രം.
3. വിവാഹം, മരണാനന്തര ചടങ്ങുകള്‍, ഗൃഹപ്രവേശന ചടങ്ങുകള്‍ തുടങ്ങി ചടങ്ങുകള്‍ക്കൊന്നും കൊവിഡ് വ്യാപന തീവ്രത കുറയുന്നത് വരെ പഞ്ചായത്തില്‍ നിന്നും അനുമതി നല്‍കുന്നതല്ല.
4. ആരാധനാലയങ്ങളില്‍ പൊതുജനങ്ങള്‍ക്ക് പ്രവേശനം ഉണ്ടായിരിക്കുന്നതല്ല.
5. ഹോട്ടലുകളില്‍ ഹോം ഡെലിവറി, ടേക്ക് എവേ സേവനം മാത്രം.
6. യാത്രാരേഖകളില്ലാത്തതും,അത്യന്താപേക്ഷിതമല്ലാത്തതുമായ യാത്രകള്‍ക്ക് കര്‍ശന നിയമനടപടി സ്വീകരിക്കും.
7. എല്ലാ ധനകാര്യ സ്ഥാപനങ്ങളും 14/07/2021 വരെ പൂര്‍ണ്ണമായും അടച്ചിടേണ്ടതാണെന്ന് പഞ്ചായത്ത് പ്രസിഡണ്ട് / സെക്രട്ടറി അറിച്ചു
No comments