ജില്ലാകളക്ടർ മുതൽ വില്ലേജ് അസിസ്റ്റൻ്റ് വരെയുള്ള ഉദ്യോഗസ്ഥർക്ക് പ്രകടനം അടിസ്ഥാനമാക്കി റവന്യു അവാർഡുകൾ നൽകുമെന്ന് കാസർകോട് ചേർന്ന യോഗത്തിൽ മന്ത്രി അഡ്വ.കെ രാജൻ

കാസർകോട്: ജില്ലാ കളക്ടർ മുതൽ വില്ലേജ് അസിസ്റ്റൻ്റു വരെയുള്ള ഉദ്യോഗസ്ഥർക്ക് കാറ്റഗറി തിരിച്ച് പ്രകടനം അടിസ്ഥാനമാക്കി റവന്യു അവാർഡുകൾ നൽകുമെന്ന് റവന്യു,ഭവന നിർമാണവകുപ്പ് മന്ത്രി അഡ്വ.കെ.രാജൻ പറഞ്ഞു. ഇതിന് പ്രത്യേക മാനദണ്ഡം നിശ്ചയിക്കാൻ ലാൻറ് റവന്യു കമ്മീഷണറോട് റവന്യു സെക്രട്ടറിയേറ്റ് നിർദ്ദേശിച്ചതായും  കാസർകോട് കളക്ടറേറ്റിൽ  മന്ത്രിയുടെ അധ്യക്ഷതയിൽ ചേർന്ന റവന്യു ഉദ്യോഗസ്ഥരുടെ യോഗത്തിൽ പറഞ്ഞു

ഫെബ്രുവരി 24 ന് റവന്യു ദിനത്തിൽ റവന്യു അവാർഡുകൾ പ്രഖ്യാപിക്കും. അർഹരായ എല്ലാ അപേക്ഷകർക്കും ഭൂമിക്ക് പട്ടയം ലഭ്യമാക്കുന്നതിനാണ് പ്രധാന പരിഗണന.എല്ലാ ഭൂമിയ്ക്കും രേഖ ഉറപ്പാക്കും.

വില്ലേജ് ഓഫീസുകൾ കെട്ടിട സൗകര്യത്തിൽ മാത്രമല്ല സേവനത്തിലും സ്മാർട്ടാക്കുമെന്ന് മന്ത്രി പറഞ്ഞു.