മലയോരത്തെ വ്യാപാരസ്ഥാപനങ്ങളിൽ മോഷണം പതിവാകുന്നു തെരുവുവിളക്കുകൾ പ്രകാശിക്കാത്തത് മോഷ്ടാക്കൾക്ക് സൗകര്യമാകുന്നു
ഭീമനടി: ഒരിടവേളയ്ക്ക് ശേഷം മലയോരത്തെ വ്യാപാരസ്ഥാപനങ്ങളില് മോഷണം പതിവാകുന്നു. കഴിഞ്ഞദിവസം രാത്രി ഭീമനടി കുറുഞ്ചേരിയിലെ കുടിപ്പാറ ജോസിന്റെ മലഞ്ചരക്ക് കടയില് നിന്നും 2 ക്വിന്റല് റബര് ഷീറ്റ് മോഷണം പോയി. ഇതിനുമുമ്പ് കാലിക്കടവിലെ മൈലാടുംപാറ ടോമിയുടെ മലഞ്ചരക്ക് കട കുത്തിത്തുറന്ന് ഒരു ക്വിന്റല് റബര് ഷീറ്റും അയ്യായിരത്തോളം രൂപയും കവര്ന്നിരുന്നു. കുന്നുംകൈയിലെ കുരിശുപള്ളിക്ക് സമീപമുള്ള ഷാജിയുടെ മലഞ്ചരക്ക് കടയിലും മോഷണ ശ്രമം നടന്നിരുന്നു. കമ്പിപ്പാര ഉപയോഗിച്ച് ഷട്ടര് പൊക്കിയാണ് മോഷണശ്രമം നടത്തിയത്. പലയിടങ്ങളിലും രാത്രികാലങ്ങളില് തെരുവുവിളക്കുകള് പ്രകാശിക്കാത്തത് മോഷ്ടാക്കള്ക്ക് തുണയാകുകയാണ്.
No comments