പനത്തടിയിൽ പുലി ഇറങ്ങിയതായി സംശയം; പ്രദേശത്ത് വനംവകുപ്പ് അധികൃതർ ക്യാമറ സ്ഥാപിച്ചു

പനത്തടി'  പനത്തടിയിൽ പുലി ഇറങ്ങിയതായി സംശയം. തുടർന്ന് പ്രദേശത്ത് വനംവകുപ്പ് അധികൃതർ ക്യാമറ സ്ഥാപിച്ചു. ചാമുണ്ഡിക്കുന്ന് വണ്ണാർക്കയം പ്രദേശത്ത് പുലിയിറങ്ങിയെന്നാണ് സംശയം.

പ്രദേശത്തെ ഒരു വളർത്തുനായയെ കഴിഞ്ഞദിവസം കടിയേറ്റ നിലയിൽ കണ്ടെത്തിയിരുന്നു. മണ്ണാർക്കയത്തെ രാഘവന്റെ വീട്ടിലെ നായയെയാണ് അക്രമിച്ച നിലയിൽകണ്ടത്. ഇതേ വീട്ടിൽ നിന്നും ഒരാഴ്ച മുമ്പ് നായയെ കാണാതായിരുന്നു. ഇതോടെ വനംവകുപ്പ് അധികൃതർ സ്ഥലം സന്ദർശിച്ചു. പിന്നാലെ ക്യാമറ സ്ഥാപിക്കുകയായിരുന്നു. പ്രദേശത്ത് കാൽപ്പാടുകൾ കണ്ടെത്തിയിരുന്നുവെങ്കിലും ഇത് പുലിയുടെതാണെന്ന് സ്ഥിരീകരിച്ചിട്ടില്ല. റാണിപുരം പന്തിക്കാലിലെ രതീഷിന്റെ വീട്ടിലെ വളർത്തുനായയെയും കഴിഞ്ഞ ദിവസം കാണാതായിട്ടുണ്ട്.

ഇതോടെ പ്രദേശവാസികൾ ഭീതിയിൽ കഴിയുകയാണ്. ക്യാമറ സ്ഥാപിച്ചതിന് പിന്നാലെ പ്രദേശത്ത് അധികൃതർ നിരീക്ഷണവും ശക്തമാക്കും.