കൃഷിക്കും , മാലിന്യ നിർമ്മാർജ്ജനത്തിനും ഊന്നൽ നൽകി വെസ്റ്റ് എളേരി പഞ്ചായത്ത് ബജറ്റ്

ഭീമനടി  : കൃഷിക്കും , മാലിന്യ നിർമ്മാർജ്ജനത്തിനും ഊന്നൽ നൽകി വെസ്റ്റ് എളേരി പഞ്ചായത്ത് ബജറ്റ് വൈസ് പ്രസിഡൻ്റ് പി.സി.ഇസ്മായിൽ അവതരിപ്പിച്ചു.  29,26,33885 രൂപ വരവും ,289081363 ചിലവും, 3552522 ബാക്കിയുള്ള മിച്ചബജറ്റ്

 ദാരിദ്ര്യ ലഘൂകരണവും കൃഷി- മൃഗസംരക്ഷണ ആരോഗ്യ, വിദ്യാഭ്യാസ മേഖലകളിലെ ഉന്നമനം ഭവന മേഖലയിലെ സമഗ്ര വൽക്കരണം എന്നിവ ലക്ഷ്യമിടുന്നു. 

 അടിസ്ഥാന സൗകര്യം സ്ത്രീശാക്തീകരണം, പാർശ്വവൽക്കരിക്കപ്പെട്ട സമൂഹങ്ങളുടെ ഉന്നമനം, തുടങ്ങിയ മേഖലകളില് ഇടപെടലുകൾ നടത്താന് വകയിരുത്തുന്നതിന് ചെലുത്തിയിട്ടുണ്ട്.

ശിശുക്കൾ, വൃദ്ധർ, ശാരീരിക മാനസിക വെല്ലവിളി നേരിടുന്നവർ, കിടപ്പിലായ രോഗികൾക്കായുള്ള പാലിയേറ്റീവ് കെയർ പരിപാടി എന്നിവയ്ക്കായി ഈ ബജറ്റില് തുക നീക്കി വെച്ചിട്ടുണ്ട്.

കൃഷി മൃഗസംരക്ഷണം എന്നീ മേഖലകളിൽ ഏർപ്പെട്ട് ഉപജീവനം കഴിക്കുന്നവരുടെ തൊഴിലും, വരുമാനവും വർദ്ധിപ്പിക്കുന്നതിനുള്ള പ്രവർത്തനങ്ങൾക്ക് ഊർജ്ജം പകരുന്നതിനു് ഈ ബജറ്റിൽ തുക വകയിരുത്തിയിട്ടുണ്ട്.

വിവിധ സാമൂഹിക സുരക്ഷിതത്വ പെൻഷനുകള് നൽകുന്നതിനും തൊഴിലുറപ്പ് പദ്ധതി നടത്തിപ്പിനും ബജറ്റില് തുക വകയിരുത്തുന്നതിന്

 ശ്രദ്ധിച്ചിട്ടുണ്ട്. പട്ടിക ജാതി പട്ടികവര്ഗ്ഗ മേഖലയിലെ ഉന്നമനത്തിനായി ആവശ്യമായ തുകയും ബഡ്‌ജറ്റിൽ ഉള്പ്പെടുത്തിയിട്ടുണ്ട്.

ജനങ്ങളുടെ ആവശ്യങ്ങൾക്കനുസരിച്ച് ലഭ്യമാകുന്ന വിഭവങ്ങളിൽ നിന്നു കൊണ്ട് പ്രധാനമായും പുതിയ റോഡുകളുടെ നിർമ്മാണം, അറ്റകുറ്റപണി തുടങ്ങിയ പ്രവർത്തനങ്ങൾക്ക് ബജറ്റില് ആവശ്യമായ വകയിരുത്തിയിട്ടുണ്ട്. ഭവന നിർമ്മാണ മേഖലയില് സംസ്ഥാന സർക്കാറിൻറെ ലൈഫ്,, വിശപ്പ് രഹിത കേരളം, തുടങ്ങിയ പദ്ധതികളും നടപ്പിലാക്കുന്നതിന് ആവശ്യമായ പഞ്ചായത്ത് വിഹിതവും നീക്കിവെച്ചിട്ടുണ്ട്.. കേന്ദ്ര സംസ്ഥാന സർക്കാറുകള് പഞ്ചായത്തിന് അനുവദിച്ച ഫണ്ടും ലഭ്യമായ തനത് ഫണ്ടും മറ്റ് മേഖലയില് നിന്ന് ലഭിക്കുന്ന ഫണ്ടും ഉപയോഗിച്ച് കൊണ്ട് പഞ്ചായത്തിൻറെ സമഗ്ര വികസനത്തിനുള്ള പദ്ധതികള് ബഡ്‌ജറ്റിൽ ഉൾപ്പെടുത്തുന്നതിന് ശ്രമിച്ചിട്ടുണ്ട്. പഞ്ചായത്ത് പ്രസിഡൻ്റ്

 ഗിരിജ മോഹൻ അധ്യക്ഷം വഹിച്ചു. സി .പി സുരേശൻ ,   ടി.വി.രാജീവൻ, ലില്ലിക്കുട്ടി ,മോളിക്കുട്ടി പോൾ ,ഇ.ടി. ജോസ് ,ബിന്ദു മുരളീധരൻ പ്രസംഗിച്ചു.