കാസർഗോഡ് മൊഗ്രാലിൽ എടിഎമ്മിൽ കവർച്ചയ്ക്ക് ശ്രമിച്ച പ്രതി അറസ്റ്റിൽ

സൗത്ത് ഇന്ത്യന്‍ ബാങ്കിന്റെ മൊഗ്രാല്‍ ജംഗ്ഷനിലുള്ള എടിഎമ്മില്‍ കവര്‍ച്ചയ്ക്ക് ശ്രമിച്ച പ്രതി അറസ്റ്റില്‍. മൊഗ്രാല്‍ കൊപ്പളത്തെ മൂസ ഫഹദിനെയാണ് കുമ്പള പൊലീസ് ഇന്‍സ്പെക്ടര്‍ കെ.പി വിനോദ് കുമാറും സംഘവും ഞായറാഴ്ച വൈകിട്ടോടെ അറസ്റ്റ് ചെയ്തത്. രണ്ട് ദിവസം മുമ്പാണ് കേസിനാസ്പദമായ സംഭവം. പ്രതിയുടെ വീട്ടില്‍ നടത്തിയ പരിശോധനയില്‍ കവര്‍ച്ചാശ്രമത്തിന് ഉപയോഗിച്ച ആയുധങ്ങള്‍ കണ്ടെടുത്തതായി പൊലീസ് അറിയിച്ചു. ഗോകുല്‍, വിനോദ് ചന്ദ്രന്‍, മനു, മനോജ്, പ്രമോദ്, സുഭാഷ് എന്നിവരടങ്ങയ പൊലീസ് സംഘമാണ് പ്രതിയെ പിടികൂടിയത്.