മഞ്ചേശ്വരത്ത് വൻ മയക്കുമരുന്നു വേട്ട; സ്കൂട്ടറിൽ കടത്തുകയായിരുന്ന 74.8 ഗ്രാം എംഡിഎംഎയുമായി രണ്ടു പേർ അറസ്റ്റിൽ

കാസർകോട്: മഞ്ചേശ്വരത്ത് വൻ മയക്കുമരുന്നു വേട്ട; സ്കൂട്ടറിൽ കടത്തുകയായിരുന്ന 74.8 ഗ്രാം എംഡിഎംഎയുമായി രണ്ടു പേർ അറസ്റ്റിൽ. മിയാപ്പദവ്, ബേരിക്കെയിലെ സയ്യിദ് അഫ്രീദ് (25), ബുദിയ ഹൗസിലെ എസ് മുഹമ്മദ് ഷമീർ (24) എന്നിവരാണ് അറസ്റ്റിലായത്. വ്യാഴാഴ്ച രാത്രി 7 മണിയോടെ മീഞ്ച, കൊളവയലിൽ വച്ച് ഇവർ സഞ്ചരിച്ചിരുന്ന സ്കൂട്ടർ എസ്.ഐ രതീഷും സംഘവും തടഞ്ഞു നിർത്തി നടത്തിയ പരിശോധനയിലാണ് മയക്കുമരുന്നു കണ്ടെത്തിയത്. വിൽപ്പനക്കായി കൊണ്ടു പോവുകയായിരുന്ന മയക്കുമരുന്നാണ് പിടിയിലായതെന്നു പൊലീസ് പറഞ്ഞു. കടത്തിനു ഉപയോഗിച്ച സ്കൂട്ടറും പൊലീസ് കസ്റ്റഡിയിലെടുത്തു. പൊലീസ് സംഘത്തിൽ എ.എസ്.ഐ സദൻ, പൊലീസുകാരായ രജീഷ് കാട്ടാമ്പള്ളി, നിജിൻ എന്നിവരും ഉണ്ടായിരുന്നു.