കഞ്ചാവ് വിൽപ്പനക്കാരൻ ചന്തേര പോലീസിന്റെ പിടിയിൽ ..

ഓപ്പറേഷൻ ഡി ഹണ്ട് ന്റെ ഭാഗമായി നടത്തിയ പരിശോധനയിലാണ് കഞ്ചാവുമായി ഒരാൾ പിടിയിലാകുന്നത്.ബിഹാർ സ്വദേശിയും തൃക്കരിപ്പൂർ മട്ടമ്മലിൽ ക്വാട്ടേഴ്‌സിൽ താമസിക്കുന്ന സലിം അൻസാരി (45 ) എന്നയാൾ ആൺ 110 ഗ്രാം കഞ്ചാവുമായി പിടിയിലായത് . തൃക്കരിപ്പൂർ ഈസ്റ്റ് മട്ടമ്മലിൽ വെച്ചാണ് ഇയാൾ പോലീസ് പിടിയിലാകുന്നത് . പോലീസ് പരിശോധനയുടെ ഭാഗമായി മെട്ടമ്മൽ- മധുരങ്കൈ റോഡ് ജംഗ്ഷനിൽ എത്തിയപ്പോൾ പോലിസിനെ കണ്ട് ഒരാൾ പരുങ്ങുന്നതായി  കാണുകയും പരിശോധിച്ചതിൽ കയ്യിൽ ഉണ്ടായിരുന്ന പ്ലാസ്റ്റിക് കവറിൽ കഞ്ചാവ് കണ്ടെത്തുകയുമായിരുന്നു. കൂടുതൽ ചോദ്യം ചെയ്തതിൽ കഞ്ചാവ് വിൽപ്പനക്കാരൻ ആണെന്ന് കണ്ടെത്തി .

കാഞ്ഞങ്ങാട് ഡി വൈ എസ് പി ബാബു പെരിങ്ങേത്തിന്റെ മേൽനോട്ടത്തിൽ ചന്തേര ഇൻസ്‌പെക്ടർ പ്രശാന്ത് എം ന്റെ നിർദ്ദേശ പ്രകാരം സബ് ഇൻസ്‌പെക്ടർ സതീഷ് കെ പി ,മുഹമ്മദ് മുഹ്‌സിൻ , എ എസ് ഐ ലക്ഷമണൻ, CPO ഹരീഷ് എന്നിവർ ചേർന്നാണ് പ്രതിയെ പിടികൂടിയത് .