ക്യാൻസർ രോഗികൾക്കായി കേശദാനത്തിലൂടെ മാതൃകയായി ഓട്ടോ ഡ്രൈവർ ഡി വൈ എഫ് ഐ കോയിത്തട്ട യൂണിറ്റ് കമ്മിറ്റി അംഗം ശ്രീജിത്താണ് മുടി ദാനം ചെയ്തത്

കരിന്തളം : ക്യാൻസർ രോഗികൾക്കായി കേശദാനം ചെയ്ത് ഡി വൈ എഫ് ഐ കോയിത്തട്ട യൂണിറ്റ് കമ്മിറ്റി അംഗം ശ്രീജിത്ത്‌ ഏവർക്കും മാതൃകയായി. ഇദ്ദേഹം കോയിത്തട്ട സ്റ്റാൻ്റിലെ സി ഐ ടി യു ഓട്ടോ തൊഴിലാളിയുമാണ്. മൂന്ന് വർഷമായി വളർത്തിയ തലമുടി കേശദാനം എന്ന മാതൃകാപരമായ പ്രവർത്തനത്തിലൂടെ ക്യാൻസർ രോഗികൾക്കായി കൈമാറിയ ശ്രീജിത്തിനെ ഏവരും പ്രശംസിച്ചു. കാലിച്ചാമരത്ത് നടന്ന ചടങ്ങിൽ ഡി വൈ എഫ് ഐ നീലേശ്വരം ബ്ലോക്ക്‌ സെക്രട്ടറി എം വി രതീഷ് തല മുടി ഏറ്റുവാങ്ങി. പി സുജിത്ത്‌ കുമാർ, ഒ എം സച്ചിൻ, പി പി രാജേഷ്, ആർ വി പ്രദീപ്‌ എന്നിവർ സംസാരിച്ചു.