ജി എച്ച് എസ് എസ് ബളാംതോടിൽ ചങ്ങാതിക്കൊരു തൈ പരിപാടിക്ക് തുടക്കമായി

പനത്തടി : ജി.എച്ച്.എസ്.എസ് ബളാംതോട് സീഡ് - ഇക്കോ ക്ലബ്ബിൻ്റെ നേതൃത്വത്തിൽ ഹരിത കേരളം മിഷൻ്റെ ചങ്ങാതിക്കൊരു തൈ  പരിപാടിക്ക് തുടക്കം കുറിച്ചു.സ്കൂൾ പി ടി എ  പ്രസിഡണ്ട് കെ.എൻ വേണു പരിപാടി ഉദ്ഘാടനം ചെയ്തു. നാലാം ക്ലാസിലെ അലൻ സിനോജിന് വൃക്ഷതൈ നൽകിയും, വിദ്യാലയാങ്കണത്തിൽ  തൈ നട്ടുമായിരുന്നു ഉദ്ഘാടനം. ഒരു തൈ നടാം ജനകീയ വൃക്ഷവൽക്കരണ ക്യാമ്പയിൻ്റെ ഭാഗമായാണ് ചങ്ങാതി ക്കൊരു തൈ പരിപാടി സംഘടിപ്പിച്ചത്. തൈകൾ ശേഖരിക്കൽ,  കൈമാറൽ, പരിപാലനം, തുടർ സംരക്ഷണം എന്നിവയുൾപ്പെടുത്തിയാണ് ക്യാമ്പയ്ൻ.സീനിയർ അസിസ്റ്റൻ്റ് പി.റിനി മോൾ ,സീഡ്- ഇക്കോ ക്ലബ്ബ് കോ ഓർഡിനേറ്റർ സഹദേവൻ പി. പി എന്നിവർ സംസാരിച്ചു. അദ്ധ്യാപകരായ രാമചന്ദ്രൻ.കെ. ജി, ഷീബ കെ.വി എന്നിവർ പരിപാടിക്ക് നേതൃത്വം നൽകി