കെട്ടിടത്തിന് മുകളിൽ ഷീറ്റ് വിരിക്കുന്നതിനിടെ ഷീറ്റ് പൊട്ടി വീണ് യുവാവ് മരിച്ചു

ചെറുവത്തൂർ : കെട്ടിടത്തിന് മുകളിൽ ഷീറ്റ് വിരിക്കുന്നതിനിടെ ഷീറ്റ് പൊട്ടി വീണ് യുവാവ് മരിച്ചു. ഗുരുതരമായി പരിക്ക് പറ്റി ആശുപത്രിയിൽ എത്തിച്ചെങ്കിലും മരിച്ചു.കോഴിക്കോട് മുക്കം കൂടരഞ്ഞി സി.എ. അലിയുടെ സി.എ.ഫിറോസ് (33) ആണ് മരിച്ചത്. ഇന്നലെ വൈകീട്ട് 6 മണിയോടെ പടന്ന ഗണേഷ് മുക്കിലാണ് അപകടം.

ഗണേഷ് മുക്കിൽ ജാഫറിൻ്റെ ഉടമസ്ഥയിലുള്ള ഗ്രാന്റ് ഓട്ടോ ഗ്യാരേജിൻ്റെ മുകളിലെ നിലയിൽ ഷീറ്റ് ഇടുന്നതിനിടെ ഫൈബർ ഷീറ്റിൽ ചവിട്ടിയപ്പോൾ ഷീറ്റ്പൊട്ടി താഴെ വീഴുകയായിരുന്നു. ചെറുവത്തൂരിലെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.