വാഹന നികുതി കുടിശ്ശിക: ഒറ്റത്തവണ തീർപ്പാക്കൽ പദ്ധതി

2020 മാർച്ച് 31ൽ നാല് വർഷമോ അതിൽ കൂടുതലോ നികുതി കുടിശ്ശികയുള്ള വാഹനങ്ങൾക്ക് (2016 ഏപ്രിൽ ഒന്നിനു ശേഷമുള്ള കാലയളവിലേക്ക് നികുതി അടച്ചിട്ടില്ലാത്ത എല്ലാതരം വാഹനങ്ങൾക്കും) ഒറ്റത്തവണ തീർപ്പാക്കൽ പദ്ധതി അനുസരിച്ച് ഡിസംബർ 31 വരെ കുടിശ്ശിക അടയ്ക്കാം. നാല് വർഷമോ അതിൽ കൂടുതലോ കാലം നികുതി കുടിശ്ശിക ഉണ്ടായിരുന്നതും, എന്നാൽ റവന്യൂ റിക്കവറി വഴി ഭാഗീകമായോ പൂർണ്ണമായോ കുടിശ്ശിക ഈടാക്കിയിട്ടുള്ളതുമായ വാഹനങ്ങൾക്കും അവസരം പ്രയോജനപ്പെടുത്താം. കുടിശ്ശിക അടയ്ക്കുന്നതിന് വാഹനവുമായി ബന്ധപ്പെട്ട രേഖകൾ ആവശ്യമില്ല. കുടിശ്ശികയുള്ള വാഹന ഉടമകൾ ഈ അവസരം പരമാവധി പ്രയോജനപ്പെടുത്തി തുടർനടപടികളിൽ നിന്നും ഒഴിവാക്കണമെന്ന് ട്രാൻസ്‌പോർട്ട് കമ്മീഷണർ അറിയിച്ചു.