കുട്ടികളില്‍ ഉയര്‍ന്ന സീറോ പോസിറ്റിവിറ്റി; മൂന്നാം തരംഗം ബാധിച്ചേക്കില്ലെന്ന് പഠനം
ന്യൂഡല്‍ഹി: കുട്ടികളില്‍ ഉയര്‍ന്ന പോസിറ്റിവിറ്റി കണ്ടെത്തിയതായി പഠനം. ഓള്‍ ഇന്ത്യ ഇന്‍സ്റ്റിറ്റ്യൂട്ടി ഓഫ് മെഡിക്കല്‍ സയന്‍സിന്റെയും(AIIMS) ലോകാരോഗ്യ സംഘടനയുടെയും പഠനത്തിലാണ് കണ്ടെത്തല്‍. കോവിഡ് മൂന്നാം തരംഗം കുട്ടികളെ കുടുതലായി ബാധിച്ചേക്കുമെന്ന ആശങ്കയെ ലഘൂകരിക്കുന്നതാണ് പഠനം.
സീറോ പോസിറ്റിവിറ്റി എന്നതുകൊണ്ട് ഉദ്ദേശിക്കുന്നത് വൈറസുകളോട് സ്വഭാവിക പ്രതിരോധം സൃഷ്ടിക്കുന്നതിനുള്ള ശരീരത്തിന്റെ ശേഷിയാണ്. പതിനായിരം കുട്ടികളിലാണ് പഠനം നടത്തിയത്. ഇതിന് എയിംസിന്റെ എത്തിക്‌സ് കമ്മിറ്റിയുടെയും പഠനത്തില്‍ പങ്കെടുത്ത സ്ഥാപനങ്ങളുടെയും അംഗീകാരം ലഭിച്ചിട്ടുണ്ട്. മാര്‍ച്ച് 15നും ജൂണ്‍ പത്തിനും ഇടയിലാണ് പഠനത്തിന് വേണ്ടിയുള്ള വിവരങ്ങള്‍ ശേഖരിച്ചത്.
പഠനത്തിന് വിധേയരായവരില്‍ സാര്‍സ് കോവ്-2 വൈറസിനെതിരായ ടോട്ടല്‍ സെറം ആന്റിബോഡിയെ കണക്കാക്കാന്‍ എലിസ കിറ്റുകളാണ് ഉപയോഗപ്പെടുത്തിയതെന്ന് ഗവേഷകര്‍ പറഞ്ഞു. പ്രായപൂര്‍ത്തിയായവരെ അപേക്ഷിച്ച് കുട്ടികളില്‍ സീറോ പോസിറ്റിവിറ്റി കൂടുതലാണെന്നാണ് പഠനത്തില്‍ കണ്ടെത്തിയിരിക്കുന്നത്.
No comments