രേഖകളില്ലാതെ കടത്തുകയായിരുന്ന പത്ത് ലക്ഷം രൂപയും മദ്യവും പിടികൂടി
വഴിക്കടവ്: കേരള അതിര്ത്തിയായ വഴിക്കടവ് ആനമറി എക്സൈസ് ചെക്ക് പോസ്റ്റില് വാഹന പരിശോധനക്കിടെ രേഖകളില്ലാതെ അരി ലോറിയില് ഒളിപ്പിച്ച് കടത്തുകയായിരുന്ന 10 ലക്ഷം രൂപയും ഒമ്പത് കുപ്പി തെലുങ്കാന മദ്യവും പിടികൂടി.
സംഭവത്തില് പൊന്നാനി ചെറുവല്ലൂര് കുറുപ്പത്ത് വളപ്പില് ഹൈദ്രോസ് കുട്ടിയെ (49) അറസ്റ്റ് ചെയ്തു.
ലോറിയും പിടിച്ചെടുത്തു. എക്സൈസ് ഇന്സ്പെക്ടര് വി.പി. ജയപ്രകാശിെന്റ നേതൃത്വത്തില് തിങ്കളാഴ്ച രാത്രി നടത്തിയ പരിശോധനയിലാണ് ഇവ പിടികൂടിയത്. പ്രിവന്റിവ് ഓഫിസര് കെ.എം. ശിവപ്രകാശ്, സിവില് എക്സൈസ് ഓഫിസര്മാരായ സാഗീഷ്, ജയകൃഷ്ണന്, അനൂപ് എന്നിവരാണ് പരിശോധനയില് പങ്കെടുത്തത്. ചെക്ക് പോസ്റ്റില് കര്ശന പരിശോധന നടത്തി മാത്രമേ വാഹനങ്ങള് കടത്തിവിടുകയുള്ളൂ എന്ന് എക്സൈസ് ഇന്സ്പെക്ടര് അറിയിച്ചു
No comments