തിരിച്ചെത്തിയ പ്രവാസികൾക്ക് 30 ലക്ഷം രൂപ സ്വയം തൊഴിൽ,ബിസിനസ് വായ്പാ പദ്ധതി
വിദേശത്ത് ജോലി നഷ്ടപ്പെട്ട് തിരിച്ചെത്തിയ ഒ.ബി.സി, മതന്യൂനപക്ഷ വിഭാഗത്തില്പ്പെട്ട പ്രവാസികളില് നിന്ന് സ്വയം തൊഴില് ബിസിനസ് സംരംഭങ്ങള് ആരംഭിക്കാന് സംസ്ഥാന പിന്നാക്ക വിഭാഗ വികസന കോര്പ്പറേഷന് റീ-ടേണ് പദ്ധതി പ്രകാരം അപേക്ഷ ക്ഷണിച്ചു.
കാര്ഷിക/ ഉത്പാദന/ സേവന മേഖലകളിലുള്ള ഏതു സംരംഭത്തിനും വായ്പ ലഭിക്കും. ഡയറി ഫാം, പൗള്ട്രി ഫാം, പുഷ്പ കൃഷി, ക്ഷീരോത്പാദനം, സംയോജിത കൃഷി, തേനീച്ച വളര്ത്തല്, പച്ചക്കറി കൃഷി, അക്വാകള്ച്ചര്, ബേക്കറി, സാനിറ്ററി കട, ഹാര്ഡ്വെയര് കട, ഫര്ണിച്ചര് കട, റസ്റ്റോറന്റ്, ബ്യൂട്ടി പാര്ലര്, ഹോളോബ്രിക്സ് യൂനിറ്റ്, പ്രൊവിഷന് സ്റ്റോര്, ഡ്രൈവിംഗ് സ്കൂള്, ഫിറ്റ്നസ് സെന്റ്ര്, സൂപ്പര് മാര്ക്കറ്റ്, ഫുഡ് പ്രോസസിംഗ് യൂണിറ്റ്, റെഡിമെയ്ഡ് ഗാര്മെന്റ് യൂണിറ്റ്, ഫ്ളോര് മില്, ഡ്രൈക്ലീനിംഗ് സെന്റര്, മൊബൈല് ഷോപ്പ്, ഫാന്സി/ സ്റ്റേഷനറി സ്റ്റാള്, മില്മ ബൂത്ത്, പഴം/ പച്ചക്കറി വില്പനശാല, ഐസ്ക്രീം പാര്ലര്, മീറ്റ് സ്റ്റാള്, ബുക്ക് സ്റ്റാള്, എന്ജിനീയറിങ് വര്ക്ക്ഷോപ്പ്, ടൂറിസം സംരഭങ്ങള് എന്നിവയ്ക്കെല്ലാം വായ്പ ലഭിക്കും. ആറ് മുതല് എട്ട് ശതമാനം വരെ പലിശ നിരക്കില് പരമാവധി 30 ലക്ഷം രൂപ വരെ വായ്പ അനുവദിക്കും. തിരിച്ചടവ് കാലാവധി 84 മാസം വരെ. പ്രായപരിധി 65 വയസ്സ്. പദ്ധതി അടങ്കലിന്റെ 95 ശതമാനം വരെ വായ്പ അനുവദിക്കും. ബാക്കി തുക ഗുണഭോക്താവ് കണ്ടെത്തണം. വായ്പ അനുവദിക്കുന്നതിന് ജാമ്യം ഹാജരാക്കണം.
നോര്ക്ക റൂട്ട്സ് ശുപാര്ശ ചെയ്യുന്ന പ്രവാസികള്ക്കാണ് പദ്ധതി പ്രകാരം വായ്പ അനുവദിക്കുന്നത്. www.norkaroots.net ് NDPREM- Rehabiliation Scheme for Return NRKs എന്ന ലിങ്കില് പ്രവേശിച്ച് ഓണ്ലൈന് രജിസ്ട്രേഷന് ചെയ്യണം. രജിസ്റ്റര് ചെയ്ത ശേഷം വായ്പാ അപേക്ഷാ ഫോം ലഭിക്കുന്നതിന് നോര്ക്ക റൂട്ട്സില് നിന്നും ലഭിക്കുന്ന ശുപാര്ശ കത്ത് സഹിതം കോര്പ്പറേഷന്റെ ജില്ലാ, ഉപജില്ലാ ഓഫീസുകളെ സമീപിക്കാം. കൂടുതല് വിവരങ്ങള്ക്ക്: www.ksbcdc.com
No comments