പെരിങ്ങോം സി.ആർ.പി.എഫ് കേന്ദ്രം ദേശീയ അംഗീകാര നിറവിൽ
ചെറുപുഴ: പെരിങ്ങോം സിആർപിഎഫ് കേന്ദ്രം ദേശീയ അംഗീകാരത്തിന്റെ നിറവിൽ. 2021 വർഷത്തെ മികച്ച പ്രവർത്തനത്തിന് കേന്ദ്ര ആഭ്യന്തര വകുപ്പിന്റെ അംഗീകാരമാണ് പെരിങ്ങോം സിആർപിഎഫ് കേന്ദ്രത്തിന് ലഭിച്ചിരിക്കുന്നത്.
മറ്റ് സംസ്ഥാനങ്ങളിലെ പരിശീലന കേന്ദ്രങ്ങളെ പിന്നിലാക്കിയാണ് പെരിങ്ങോം സിആർപിഎഫ് കേന്ദ്രം ഈ നേട്ടം കൈവരിച്ചത്. അംഗീകാര നിറവിന്റെ ഭാഗമായി കേന്ദ്രത്തിൽ ആഘോഷ ചടങ്ങുകൾ നടന്നു. ക്യാമ്പിൽ ഘോഷയാത്ര സംഘടിപ്പിച്ചു. കഴിഞ്ഞ ദിവസം ഡൽഹിയിൽ നടന്ന ചടങ്ങിൽ ആഭ്യന്തര വകുപ്പ് സെക്രട്ടറിയിൽ നിന്നും ക്യാമ്പ് മേധാവി പി.പി. പോളി പുരസ്കാരം ഏറ്റുവാങ്ങി.
ക്യാമ്പിന്റെ അടിസ്ഥാന സൗകര്യങ്ങൾ, പരിശീലനമികവ്, പരിശീലന സാമഗ്രഹികളുടെ ലഭ്യത, അനുകൂലമായ ചുറ്റുപാടുകൾ, ടെയിനിംഗ് കാലഘട്ടത്തിൽ ഉണ്ടാകാറുള്ള പരിക്കുകളുടെ കുറവ് തുടങ്ങി ഒട്ടനവധി മാനദണ്ഡങ്ങളുടെ മൂല്യനിർണയം നടത്തിയാണ് ക്യാമ്പിനെ അവാർഡിനായി പരിഗണിച്ചത്.
No comments