കാർഷിക വിളനാശം ; ബാങ്ക് അക്കൗണ്ടിലെ സാങ്കേതിക തകരാർ കാരണം ആനുകൂല്യങ്ങൾ ലഭിക്കാത്തവർ ഉടൻ കൃഷിഭവനുമായി ബന്ധപ്പെടണം ജില്ലാ പ്രിൻസിപ്പൽ കൃഷി ഓഫീസർ
പ്രകൃതിക്ഷോഭത്തില്‍ വിളനാശം ഉണ്ടായ കര്‍ഷകര്‍ ആനുകൂല്യത്തിന് കൃഷിഭവനുകളില്‍ അപേക്ഷ നല്‍കിയിരുന്നുവെങ്കിലും സാങ്കേതിക കാരണങ്ങളാല്‍ ബാങ്ക് അക്കൗണ്ടുകളില്‍ തുക ക്രെഡിറ്റ് ചെയ്യാന്‍ സാധിക്കുന്നില്ല എന്ന എസ്.എം.എസ് സന്ദേശം ട്രഷറിയില്‍ നിന്നും കഴിഞ്ഞ ദിവസങ്ങളില്‍ ചില കര്‍ഷകര്‍ക്ക് ലഭിച്ചിട്ടുണ്ട്. ഇത്തരത്തില്‍ എസ്.എം.എസ് ലഭിച്ചിട്ടുള്ള കര്‍ഷകര്‍ എസ്.എം.എസ് കിട്ടി അഞ്ച് ദിവസത്തിനുള്ളിലും, ഇനി ലഭിക്കുന്നവര്‍ അതത് ദിവസങ്ങളിലും ബന്ധപ്പെട്ട കൃഷിഭവനുകളെ സമീപിച്ച് കൃത്യമായ ബാങ്ക് അക്കൗണ്ട്, ഐ.എഫ്.എസ്.സി വിവരങ്ങള്‍ നല്‍കണം. അക്കൗണ്ട് വിവരങ്ങള്‍ നല്‍കുന്നതിനോടൊപ്പം പാസ്സ്ബുക്കിന്റെ പകര്‍പ്പ് കൂടെ നല്‍കണമെന്നും സമയകൃത്യത പാലിക്കണമെന്നും ജില്ലാ പ്രിന്‍സിപ്പല്‍ കൃഷി ഓഫീസര്‍ അറിയിച്ചു.
No comments