സംസ്ഥാനത്ത് റേഷന് കാര്ഡ് മസ്റ്ററിങ് ഉടന് നടത്തില്ല
സംസ്ഥാനത്ത് റേഷന് കാര്ഡ് മസ്റ്ററിങ് ഉടന് നടത്തില്ല. സെര്വര് തകരാര് പൂര്ണമായി പരിഹരിച്ചതിന് ശേഷമാകും മസ്റ്ററിങ് നടക്കുക. എന്നാല് റേഷന് വിതരണം പൂര്ണമായും നടക്കുമെന്നും ഭക്ഷ്യവകുപ്പ് അറിയിച്ചു. ആര്ക്കും റേഷന് നിഷേധിക്കുന്ന അവസ്ഥ ഉണ്ടാകില്ലെന്നും ഭക്ഷ്യവകുപ്പ് വ്യക്തമാക്കി. സംസ്ഥാനത്ത് റേഷന് കാര്ഡ് മസ്റ്ററിങ് ഈ മാസം 31നകം പൂര്ത്തിയാക്കണമെന്നായിരുന്നു കേന്ദ്ര സര്ക്കാരിന്റെ നിര്ദേശം. ഈ മാസം 15,16,17 തിയതികളില് സംസ്ഥാനത്തെ റേഷന് വിതരണം പൂര്ണമായും നിര്ത്തിവച്ച് മസ്റ്ററിങ്ങ് നടത്താനുള്ള ക്രമീകരണം സംസ്ഥാന ഭക്ഷ്യ വകുപ്പ് ഒരുക്കിയിരുന്നു. എന്നാല് ഇ പോസ് മെഷീനുകളുടെ സെര്വര് തകരാര് മൂലം മസ്റ്ററിങ് സുഗമമായി നടത്താനായിരുന്നില്ല. ഇതേ തുടര്ന്നാണ് മസ്റ്ററിങ് താല്കാലികമായി നിര്ത്തിവെക്കന് വകുപ്പ് തീരുമാനിച്ചത്.
No comments