കൊട്ടോടി ഗവ. ഹയർ സെക്കൻഡറി സ്കൂൾ സപ്തതി നിറവിൽ ; പൂർവ്വ വിദ്യാർത്ഥി സംഗമത്തിൻ്റെ ആലോചനായോഗം നടത്തി

രാജപുരം: 70-ാം വാർഷികം ആഘോഷിക്കുന്ന കൊട്ടോടി ഗവ ഹയർ സെക്കൻ്ററി സ്കൂളിൽ പൂർവ്വ വിദ്യാർത്ഥി സംഗമം നടത്താൻ ആലോചനാ യോഗം സംഘടിപ്പിച്ചു. പൂർവ്വ വിദ്യാർത്ഥിയും  കള്ളാർ പഞ്ചായത്ത് പ്രസിഡൻ്റുമായ ടി.കെ.നാരായണൻ യോഗം  ഉദ്ഘാടനം ചെയ്തു. പിടിഎ പ്രസിഡൻ്റ് സി.കെ.ഉമ്മർ അധ്യക്ഷത വഹിച്ചു. അധ്യാപകരായ കെ.അനിൽകുമാർ സ്വാഗതവും ഷിനിത്ത് പാട്യം നന്ദിയും പറഞ്ഞു.  കള്ളാർ പഞ്ചായത്ത് പതിമൂന്നാം വാർഡ് മെമ്പർ ജോസ് പുതുശേരികാലായിൽ, എസ്എംസി ചെയർമാൻ ബി'അബ്ദുള്ള, മദർ പിടിഎ പ്രസിഡൻ്റ് എം.ഷീല, പ്രധാനധ്യാപിക കെ.ബിജി ജോസഫ് , സ്റ്റാഫ് സെക്രട്ടറി എം.സുമതി, രവീന്ദ്രൻ കൊട്ടോടി, ചാക്കോ ചമ്പക്കര, മുൻ പിടിഎ പ്രസിഡൻ്റ് എ.ശശിധരൻ, പ്രിൻസ് കൊട്ടോടി എന്നിവർ സംസാരിച്ചു. ജനുവരി 16ന് നടക്കുന്ന സ്കൂൾ വാർഷികത്തോടനുബന്ധിച്ച്  ജനുവരി 17 ന് പൂർവ വിദ്യാർത്ഥി സംഗമവും കലാമേളയും സംഘടിപ്പിക്കാൻ തീരുമാനിച്ചു. അതിനായി വിപുലമായ വർക്കിംഗ് കമ്മിറ്റി രൂപീകരിച്ചു.