ആത്മഹത്യാ ശ്രമത്തിനിടെ ഗുരുതരാവസ്ഥയിലായ പാണത്തൂർ സ്വദേശിനിയായ നഴ്‌സിംഗ് വിദ്യാർത്ഥിനിയെ കണ്ണൂരിലെ ആശുപത്രിയിലേക്ക് മാറ്റി

കാഞ്ഞങ്ങാട് :  നഴ്സിംഗ് ഹോസ്റ്റലിൽ ആത്മഹത്യയ്ക്ക് ശ്രമിച്ച്  ഗുരുതരാവസ്ഥയിൽ മംഗലാപുരം  ആശുപത്രിയിൽ ചികിത്സയെ കഴിയുകയായിരുന്ന  പാണത്തൂർ സ്വദേശി ചൈതന്യയെ കണ്ണൂർ ആസ്റ്റർ മിംസ് ആശുപത്രിയിലേക്ക് മാറ്റി. ഈ മാസം 7-ാം തീയതിയാണ് ചൈതന്യ ഹോസ്റ്റൽ മുറിയിൽ ആത്മഹത്യക്ക് ശ്രമിച്ചത്. തുടർന്ന് ചൈതന്യയെ വിദഗ്ധ ചികിത്സക്കായി മംഗലാപുരം പമ്പ് വെല്ലിലെ ഇന്ത്യാനാ ആശുപത്രിയിലും തുടർന്ന് മംഗലാപുരത്തെ തന്നെ കെ.എം.സി ആശുപത്രിയിലും പ്രവേശിപ്പിച്ചിരുന്നു.എന്നാൽ ചൈതന്യയുടെ  ആരോഗ്യസ്ഥിതിയിൽ  യാതൊരു പുരോഗതിയും ഇല്ലാത്തതിനാലാണ്  ബന്ധുക്കളുടെ ആവശ്യപ്രകാരം  ഇപ്പോൾ കണ്ണൂർ ആസ്റ്റർ മിംസിലേക്ക് മാറ്റിയത്.  ചൈതന്യയുടെ  ചികിത്സാ ചെലവുകൾ പൂർണമായും കാഞ്ഞങ്ങാട് മൻസൂർ ആശുപത്രി മാനേജ്മെൻറ് ആണ് വഹിക്കുന്നത്.സാമൂഹ്യ പ്രവർത്തകയായ ഷിബു പാണത്തൂരും  ബന്ധുക്കളോടൊപ്പമുണ്ട്.