പെരിയ ഇരട്ടകൊലപാതകം; നാല് സിപിഐ(എം) നേതാക്കള് പുറത്തിറങ്ങി
പെരിയ ഇരട്ടകൊലപാതകക്കേസിലെ പ്രതികളായ നാല് സിപിഐ(എം) നേതാക്കള് പുറത്തിറങ്ങി. കഴിഞ്ഞ ദിവസം ഹൈക്കോടതി ഇവരുടെ ശിക്ഷ മരവിപ്പിച്ചതിന് പിന്നാലെ കണ്ണൂര് സെന്ട്രല് ജയിലില് നിന്നാണ് ഇവര് പുറത്തിറങ്ങിയത്. സിപിഐ(എം) ജില്ലാ സെക്രട്ടറിയേറ്റംഗവും ഉദുമ മുന് എംഎല്എയുമായ കെവി കുഞ്ഞിരാമന്, സിപിഐ(എം) മുന് ഏരിയാ സെക്രട്ടറി കെ.മണികണ്ഠന്, രാഘവന് വെളുത്തോളി, കെ.വി ഭാസ്കരന് എന്നിവരാണ് പുറത്തിറങ്ങിയത്. കാസര്കോട് ജില്ലാ സെക്രട്ടറി എം.വി ബാലകൃഷ്ണന് അടക്കമുള്ള നിരവധി പ്രവര്ത്തകര് ഇവരെ ജയിലിന് പുറത്ത് രക്തഹാരം അണിയിച്ച് സ്വീകരിച്ചു.
No comments