ഭാര്യയെ ഭർത്താവ് കുത്തിക്കൊന്നു ബന്തടുക്ക സ്വദേശിനി രേവതിയാണ് കൊല്ലപ്പെട്ടത്

കൊല്ലം : അഞ്ചാലുംമൂട്ടിൽ ഭാര്യയെ ഭർത്താവ് കുത്തിക്കൊന്നു. കാസർകോട് ബന്തടുക്ക സ്വദേശിനി രേവതിയാണ് കൊല്ലപ്പെട്ടത്. സംഭവത്തിൽ ഭർത്താവ് ചാത്തന്നൂർ സ്വദേശി ജിനുവിനെ പോലീസ് പിടികൂടി. ഇന്നലെ രാത്രി 11 മണിയോടെയാണ് സംഭവം. രേവതി കെയർ ടേക്കറായി ജോലിക്ക് നിന്ന വീട്ടിൽ എത്തിയാണ് ഭർത്താവ് കൃത്യം നടത്തിയത്. ബഹളം കേട്ട് നാട്ടുകാരെത്തി ആശുപത്രിയിൽ എത്തിച്ചെങ്കിലും രേവതിയെ രക്ഷിക്കാനായില്ല. കൊലപാതകത്തിന്റെ കാരണം വ്യക്തമായിട്ടില്ല. പോലീസ് അന്വേഷിച്ച് വരുന്നു. ബന്തടുക്ക ഉന്നതിയിലെ കാവേരി - ജാനകി എന്നിവരുടെ മകളാണ് കൊല്ലപ്പെട്ട രേവതി.

രേവതിയും ജിനുവും വിവാഹിതരായിട്ട് വർഷങ്ങളായി. രേവതിയുടെ ദാരുണമായ മരണ വിവരമറിഞ്ഞ് ബന്ധുക്കൾ കൊല്ലത്തേക്ക് പോയിട്ടുണ്ട്.