യൂറോപ്പിലേക്ക് വിസ വാഗ്ദാനം ചെയ്ത് പണം തട്ടിയെടുത്തതായി പരാതി ; നീലേശ്വരം പോലീസ് കേസെടുത്തു

നീലേശ്വരം : യൂറോപ്പിലേക്ക് വിസ വാഗ്ദാനം ചെയ്ത് 498000 രൂപ തട്ടിയെടുത്തെന്ന് പരാതി. പേരോൽ പഴനെല്ലിയിയിലെ ടി. ശശിധരന്റെ (67) പരാതിയിൽ പേരോൽ സ്വദേശി ഉല്ലാസ് കൃഷ്ണൻ, ശരത്ത് മോഹൻ, മിഥുൻ, രേഷ്മ എന്നിവരുടെ പേരിലാണ് നീലേശ്വരം പോലീസ് കേസെടുത്തത്. പരാതിക്കാരന്റെ മകന് യൂറോപ്പിലേക്ക് വിസ വാഗ്ദാനം ചെയ്ത് 2022 സെപ്തംബർ 22 നും ഡിസംബർ 22 നും ഇടയിലായിരുന്നു പണം നൽകിയത്. 49 8000 രൂപ വാങ്ങി വിസ നൽകാതെ ചതി ചെയ്തെന്ന പരാതിയിലാണ് കേസെടുത്തത്.