കാസർകോട് നഗരത്തിലെ എസ്.ടി.യു പ്രവർത്തകനായ ചുമട്ടു തൊഴിലാളി ജോലിക്കിടയിൽ കുഴഞ്ഞുവീണു മരിച്ചു

കാസർകോട്: നഗരത്തിലെ എസ്.ടി.യു പ്രവർത്തകനായ ചുമട്ടു തൊഴിലാളി ജോലിക്കിടയിൽ കുഴഞ്ഞുവീണു മരിച്ചു. കേളുക്കുന്ന് സീതി കോംപൗണ്ടിലെ പരേതനായ സി ബി അബ്ദുല്ല-ആച്ചിബി ദമ്പതികളുടെ മകൻ സി എ ഹനീഫ്(52) ആണ് ഇന്നുച്ചയക്ക് ജോലിക്കിടയിൽ കുഴഞ്ഞുവീണു മരിച്ചത്. അപകടമുണ്ടായ ഉടനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. ഖബറടക്കം വൈകീട്ട് ചൂരി ഓൾഡ് ജുമാമസ്ജിദിൽ നടക്കും. കെഎസ്ആർടിസി ബസ് സ്റ്റാൻഡിനടുത്ത വയർ ഹൗസിലെ ചുമട്ടുതൊഴിലാളിയാണ്. 20 വർഷമായി ഇവിടെ ജോലിചെയ്യുന്നു. ഭാര്യ: മുംതാസ്. മക്കൾ: സൈയാഫ്(ദുബൈ), സിറ, സാജുവാ. സഹോദരങ്ങൾ: സത്താർ, ജമാൽ, നജീബ്, ആയിഷ, ഉമൈബ. ഖൈറു.