കേരള വ്യാപാരി വ്യവസായി ഏകോപന സമിതി കാഞ്ഞങ്ങാട് മർച്ചന്റ്സ് അസോസിയേഷൻ ചാരിറ്റബിൾ ട്രസ്റ്റ് സോഷ്യൽ സെക്യൂരിറ്റി സ്കീം ധനസഹായം വിതരണം ചെയ്തു.

കാഞ്ഞങ്ങാട്: കേരള വ്യാപാരി വ്യവസായി ഏകോപന സമിതി കാഞ്ഞങ്ങാട് മർച്ചന്റ്സ് അസോസിയേഷൻ ചാരിറ്റബിൾ ട്രസ്റ്റ് സോഷ്യൽ സെക്യൂരിറ്റി സ്‌കീമിൽ അംഗമായിരിക്കെ മരണപ്പെട്ടവരുടെ അവകാശികൾക്കുള്ള ധനസഹായം വിതരണം ചെയ്തു.

കാഞ്ഞങ്ങാട് വ്യാപാര ഭവനിൽ നടന്ന ധനസഹായ വിതരണ ചടങ്ങ് കേരള വ്യാപാരി വ്യവസായി ഏകോപന സമിതി സംസ്ഥാന ഉപാധ്യക്ഷനും ജില്ല പ്രസിഡണ്ടുമായ കെ.അഹമ്മദ് ഷെരീഫ് ഉൽഘാടനം ചെയ്തു.

കെ എം എ പ്രസിഡണ്ടും ട്രസ്റ്റ് ചെയർമാനുമായ സി.കെ.ആസിഫ് അദ്ധ്യക്ഷം വഹിച്ചു.

ചടങ്ങിൽ മുഖ്യാതിഥികളായ പാലക്കി സി.കുഞ്ഞാമദ് ഹാജി (ചെയർമാൻ ബിഗ്ഗ് മാൾ) 

പി.പി.മുസ്തഫ ( കെ വി വി ഇ എസ് ജില്ല സീനിയർ വൈസ് പ്രസിഡണ്ട് ) എന്നിവർ ധനസഹായ വിതരണം നിർവ്വഹിച്ചു.

പി.മഹേഷ്,ഗിരീഷ് നായക്, നിത്യാനന്ദ നായക്,എച്ച്.ഇ.സലാം, ബാബു അമൃത,ഫൈസൽ സൂപ്പർ,സമീർ ഡിസൈൻ, പി.വി.അനിൽ,ഷരീഖ് കമ്മാടം,ഷരീഫ് ഫ്രേയിം,ഷറഫുദ്ദീൻ എന്നിവർ സംസാരിച്ചു.

കെ എം എ ജനറൽ സെക്രട്ടറി ഐശ്വര്യ കുമാരൻ സ്വാഗതവും ട്രസ്റ്റ് ട്രഷറർ ഹാസിഫ് മെട്രോ നന്ദിയും പറഞ്ഞു. കാഞ്ഞങ്ങാട് മർച്ചന്റ്സ്  അസോസിയേഷൻ ഭാരവാഹികൾ,മർച്ചന്റ്സ് വനിതാ വിങ്ങ് ഭാരവാഹികൾ മർച്ചന്റ്സ് അംഗങ്ങൾ തുടങ്ങിയവർ ചടങ്ങിൽ പങ്കെടുത്തു.