ഭാര്യയ്ക്കു വിഡിയോ കോൾ ചെയ്ത ശേഷം യുവാവ് തൂങ്ങി മരിച്ചു സംഭവം കാസർഗോഡ് പുത്തിഗെയിൽ

കാസർകോട് : ഭാര്യയ്ക്കു വിഡിയോ കോൾ ചെയ്ത ശേഷം യുവാവ് തൂങ്ങി മരിച്ചു. കർണ്ണാടക, ഷിമോഗ സ്വദേശിയും പുത്തിഗെ പഞ്ചായത്ത് ഓഫീസിനു സമീപത്തെ ക്വാർട്ടേഴ്സിൽ താമസക്കാരനുമായ റിസ്വാൻ അലി (32)യാണ് മരിച്ചത്. മരം വെട്ട് ജോലി ചെയ്തു വരുന്ന ആളാണ് റിസ്വാൻ അലി. വെള്ളിയാഴ്ച രാത്രി ഭാര്യ ശമീമ ബാനുവിനു വീഡിയോ കോൾ ചെയ്ത് ആത്മഹത്യ ചെയ്യുമെന്ന് പറഞ്ഞിരുന്നുവെന്നു പറയുന്നു. പിന്നീട് ഭാര്യ തിരിച്ച് ഫോൺ ചെയ്തുവെങ്കിലും പ്രതികരണം ഉണ്ടായില്ല. വിവരം അറിഞ്ഞു പരിചയക്കാർ എത്തിയപ്പോഴാണ് റിസ്വാൻ അലിയെ തൂങ്ങിയ നിലയിൽ കണ്ടത്. ഉടൻ താഴെ ഇറക്കി ജില്ലാ സഹകരണ ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാൻ കഴിഞ്ഞില്ല. സംഭവമറിഞ്ഞ് ഭാര്യയും ബന്ധുക്കളും ശനിയാഴ്ച രാവിലെ കുമ്പളയിൽ എത്തിയിട്ടുണ്ട്. പോസ്റ്റുമോർട്ടത്തിനു ശേഷം മൃതദേഹം നാട്ടിലേയ്ക്ക് കൊണ്ടുപോകുമെന്ന് ബന്ധുക്കൾ പറഞ്ഞു.

അമീർജാൻ- പ്യാരിജാൻ ദമ്പതികളുടെ മകനാണ് റിസ്വാൻ അലി. മക്കൾ: സുനാന ഖാൻ, മുഹമ്മദ് റസൂൽ. സഹോദരങ്ങൾ: ഇമാൻ അലി, റഷ്മാബാനു, ബഷീറ ബാനു, ഷബാന ബാനു.