മെമ്പർ കെയർ പദ്ധതി: പാണത്തൂർ ഗവ. ഹൈസ്കൂളിലെ പ്രീപ്രൈമറി, ഒന്നാം ക്ലാസ് കുട്ടികൾക്ക് വർണ്ണക്കുടകൾ സമ്മാനിച്ചു
പാണത്തൂർ: പനത്തടി ഗ്രാമപഞ്ചായത്ത് ഒൻപതാം വാർഡിൽ നടപ്പിലാക്കുന്ന 'മെമ്പർ കെയർ' പദ്ധതിയുടെ ഭാഗമായി വിദ്യാർത്ഥികൾക്ക് കുടകൾ വിതരണം ചെയ്തു. പാണത്തൂർ ഗവൺമെന്റ് ഹൈസ്കൂളിലെ പ്രീപ്രൈമറി വിഭാഗത്തിലെയും ഒന്നാം ക്ലാസിലെയും 41 കുട്ടികൾക്കാണ് ആകർഷകമായ വർണ്ണക്കുടകൾ സമ്മാനമായി നൽകിയത്.
പുതിയ അധ്യയനവർഷത്തിൽ സ്കൂളിലെത്തിയ കൊച്ചുകൂട്ടുകാർക്ക് പനത്തടി ഗ്രാമപഞ്ചായത്ത് സ്റ്റാന്റിംഗ് കമ്മിറ്റി ചെയർമാൻ കെ.ജെ ജെയിംസ് കുടകൾ വിതരണം ചെയ്തു.
സ്കൂൾ ഹെഡ്മിസ്ട്രസ് (HM) അംബിക ടീച്ചർ, ഒൻപതാം വാർഡ് എ.ഡി.എസ് (ADS) പ്രസിഡന്റ് കാവ്യ അനീഷ്, കമ്മിറ്റി അംഗം രമ്യ സുരേന്ദ്രൻ, രമേശൻ മാപ്പിളച്ചേരി എന്നിവരും മറ്റ് സ്കൂൾ അധ്യാപകരും ചടങ്ങിൽ പങ്കെടുത്തു.
No comments