രണ്ടക്കം കടന്നത് നാല് പേർ, ഇംഗ്ലണ്ടിനെതിരെ നാണം കെട്ട തോൽവിയുമായി ഇന്ത്യ

നോട്ടിംഗ്ഹാം: ട്വന്റി 20യിൽ നാണം കെട്ട തോൽവിയുമായി ഇന്ത്യ. ഇംഗ്ലണ്ടിനെതിരായ മൂന്നാം ട്വന്റി 20 മത്സരത്തിൽ ഇന്ത്യയുടെ ഏറ്റവും ചെറിയ രണ്ടാമത്തെ സ്കോറുമായാണ് വമ്പൻ തോൽവി ഏറ്റുവാങ്ങിയത്. 202 റൺസ് വിജയലക്ഷ്യവുമായി ഇറങ്ങിയ ഇന്ത്യ 11.4 ഓവറിൽ 76 റൺസിന് ഓൾ ഔട്ട് ആവുകയായിരുന്നു. റൺസ് അടിസ്ഥാനത്തിൽ ഇന്ത്യയുടെ ഏറ്റവും വലിയ തോൽവിയാണിത്. ട്വന്റി 20 മത്സരങ്ങളുടെ ചരിത്രത്തിൽ ആദ്യമായാണ് തുടർച്ചയായ 5 മത്സരങ്ങളിൽ ഇന്ത്യ തോൽക്കുന്നത്. ഇന്ത്യൻ ബാറ്റർമാരിൽ വൈഭവ് സൂര്യവംശി, ഇഷാൻ കിഷൻ, അഭിഷേക് ശർമ, അക്ഷർ പട്ടേൽ എന്നിവ‍ർ മാത്രമാണ് രണ്ടക്കം കടന്നത്. ക്യാപ്റ്റൻ ഉൾപ്പെടെയുള്ള പ്രമുഖ താരങ്ങൾ നിരാശപ്പെടുത്തിയ മത്സരത്തിൽ ഇന്ത്യയുടെ പരാജയം വളരെ പെട്ടെന്നായിരുന്നു.