ഈസ്റ്റ് എളേരി തയ്യേനി വായിക്കാനത്തും മാലോത്ത് കാറ്റാം കവലയിലും ഉരുള്പൊട്ടല്ജില്ലാകളക്ടറും ജനപ്രതിനിധികളും സന്ദർശിച്ചു
ജില്ലയില് കനത്ത മഴയെ തുടര്ന്ന് ഈസ്റ്റ് എളേരി പഞ്ചായത്തിലെ തയ്യേനി വായിക്കാനത്തും മാലോത്ത് കാറ്റാം കവലയിലെ ഉന്നതിയിക്ക് സമീപവും ഉരുള് പൊട്ടിയിരുന്നു. വായിക്കാനത്തെ ഉരുള്പൊട്ടലിനെ തുടര്ന്ന് ആറ് കുടുംബങ്ങളെ പാലാവയല് വില്ലേജിലെ തയ്യേനി ഗവ: ഹൈസ്കൂളില് ആരംഭിച്ച ക്യാമ്പിലേക്ക് മാറ്റി പാര്പ്പിച്ചു. ചിറ്റാരിക്കാല് വില്ലേജില് കാര്യങ്കോട് പുഴ കരകവിഞ്ഞതിനെ തുടര്ന്ന് കൊല്ലാടയിലെ നാല് കുടുംബങ്ങളെ ബന്ധുവീടുകളിലേക്ക് മാറ്റി പാര്പ്പിച്ചു. ഉരുള് പൊട്ടല് ഉണ്ടായ വായിക്കാനത്ത് സന്ദീപ് വാര്യർ എം എൽ എയും ജില്ലാ ദുരന്തനിവാരണ അതോറിറ്റി ചെയര്മാന് കൂടിയായ ജില്ലാ കളക്ടര് അര്ജുന് പാണ്ഡ്യനും ജില്ലാപഞ്ചായത്ത് പ്രസിഡന്റ് സാബു അബ്രഹാമും, ഈസ്റ്റ് എളേരി ഗ്രാമ പഞ്ചായത്ത് പ്രസിഡണ്ട് മേഴ്സി മാണി എന്നിവർ സന്ദര്ശിച്ച് പ്രവര്ത്തനങ്ങള് ഏകോപിപ്പിച്ചു. ജനപ്രതിനിധികള്, പഞ്ചായത്ത് അധികൃതര്, റവന്യൂ വകുപ്പ് ജീവനക്കാര് എന്നിവര് സ്ഥലത്തുണ്ട്. മറ്റു നടപടികൾ തുടർന്നു വരുന്നു
No comments