പക്വതയാര്ന്ന ഡ്രൈവിങ്ങിലൂടെ രണ്ടുപേരുടെ ജീവന് രക്ഷിച്ചു; പിഎല്ടി ബസ് ഡ്രൈവര് നിജേഷിന് സ്നേഹാദരം
തൃക്കരിപ്പൂർ : അശ്രദ്ധമായ ഡ്രൈവിങ് വരുത്തിവെക്കാമായിരുന്ന വലിയൊരു അപകടം സമയോചിതമായ ഇടപെടലിലൂടെ ഒഴിവാക്കി ബസ് ഡ്രൈവർ. നീലമ്പം ജങ്ഷനിൽ അപകടത്തിൽപ്പെട്ടേക്കാമായിരുന്ന ദമ്പതികളെയാണ് പിഎൽടി ബസ് ഡ്രൈവർ നിജേഷ് സാഹസികമായി രക്ഷിച്ചത്. രണ്ടുപേരുടെ ജീവൻ രക്ഷിച്ച നിജേഷിന് നാടിന്റെ അഭിനന്ദനപ്രവാഹമാണ്.
കഴിഞ്ഞദിവസം പക്വതയാര്ന്ന ഡ്രൈവിങ്ങിലൂടെ തൃക്കരിപ്പൂര് നീലംബം ജംഗ്ഷനില് രണ്ടുപേരുടെ ജീവന് രക്ഷിച്ച പിഎല്ടി ബസ് ഡ്രൈവറും ടീം ചങ്ങായീസ് കുടുംബാംഗവുമായ നിജേഷ് ആലിന്കീലിനെ ടീം ചങ്ങായീസ് ആദരിച്ചു. ചെറുവത്തൂര് ബസ്റ്റാന്റില് നടന്ന ചടങ്ങില് മാധ്യമപ്രവര്ത്തകന് ടി രാജന് ഉപഹാരം നല്കി. ചടങ്ങില്ഹരിഹരന് വി ,സമീര് ക്ഷേത്രപാലക , ഷുഹൈബ് എൽ കെ , സിയാദ് ടി പി ,
ബാബു ഉണ്ണിക്കണ്ണന് , സ്റ്റാന്ഡ് ഏജന്റ് വിജയന് ,പിഎല്ടി ബസ് ജീവനക്കാര് തുടങ്ങിയവര് സംബന്ധിച്ചു
നാട്ടുകാർ പഞ്ചായത്തിനോട് ആവശ്യപ്പെട്ടിരുന്നെങ്കിലും നടപടിയെടുത്തില്ലന്ന് ആക്ഷേപമുണ്ട്.
No comments