Breaking News

കാസർഗോഡ് ,രാജപുരം സബ് രജിസ്ട്രാർ ഓഫീസുകളിൽ 
 വിജിലൻസ്‌ പരിശോധന; ക്രമക്കേടുകൾ കണ്ടെത്തി




കാസർകോട്‌ : സംസ്ഥാന വ്യാപകമായുള്ള മിന്നൽ പരിശോധനയുടെ ഭാഗമായി കാസർകോട്‌, രാജപുരം സബ് രജിസ്ട്രാർ ഓഫിസുകളിൽ വിജിലൻസ്‌ പരിശോധന. കാസർകോട്‌ ഡിവൈഎസ്‌പി കെ വി വേണുഗോപാൽ, ഇൻസ്പെക്ടർ സുനിൽകുമാർ എന്നിവരുടെ നേതൃത്വത്തിലായിരുന്നു പരിശോധന. രജിസ്ടേഷനായി കൈക്കൂലി പണവുമായി വന്ന ആധാരം എഴുത്തുകാരിൽ നിന്നും 11,300 രൂപ പിടിച്ചു.
മറ്റ്‌ ക്രമക്കേടുകളും കണ്ടെത്തി. എഎസ്‌ഐമാരായ വി എം മധുസുദനൻ, വി ടി സുഭാഷ്ചന്ദ്രൻ, സീനിയർ സിവിൽ പോലീസ് ഓഫിസർ വി രാജീവൻ, രതീഷ് എന്നിവരും കൂടെയുണ്ടായി. രാജപുരത്ത് ഇൻസ്‌പെക്ടർ സുനിൽ കുമാർ, എഎസ്‌ഐ രാധാകൃഷ്ണൻ, പി വി സതീശൻ, സീനിയർ സിവിൽ പോലീസ് ഓഫിസർമാരായ സന്തോഷ്, ബിജു, പ്രമോദ് കുമാർ എന്നിവർ നേതൃത്വം നൽകി.


No comments