പരപ്പ ബ്രദേഴ്സ് സംഗമം നാളെ അബുദാബിയിൽ ; അഞ്ഞൂറോളം പരപ്പ നിവാസികൾ പങ്കെടുക്കും

അബുദാബി: കാഞ്ഞങ്ങാട് പരപ്പ പ്രദേശക്കാരുടെ പ്രവാസി കൂട്ടായ്മയായ ബ്രദേഴ്സ് പരപ്പ സംഗമം നാളെ ( ജനുവരി15 ഞായറാഴ്ച) അബുദാബിയിൽ നടക്കും 

ശഹാമയിലെ അൽബാഹ്യ ഫുട്ബോൾ ഗ്രൗണ്ടിലാണ് യു എ ഇ യിലുള്ള പരപ്പ നിവാസികളായ അഞ്ഞൂറോളം ആളുകൾ പങ്കെടുക്കുന്ന ഏറ്റവും വലിയ സംഗമം നടക്കുന്നത്. 

ഫുട്ബോൾ ടൂർണ്ണമെന്റ് , വടംവലി , തിരുവാതിര , ദഫ്മുട്ട് , കോൽക്കളി ,സ്ത്രീകളുടെയും കുട്ടികളുടെയും വിവിധ കലാപരിപാടികളും രാവിലെ പത്ത് മുതൽ രാത്രി പത്ത് വരെ നടക്കുന്ന സംഗമത്തിൽ അരങ്ങേറും. സാമൂഹ്യ സാംസ്ക്കാരിക വ്യവസായ രംഗത്തെ പ്രമുഖരും സംഗമത്തിൽ പങ്കെടുക്കും.

ഒരുക്കങ്ങളെല്ലാം പൂർത്തിയായതായി ചെയർമാൻ റാഷിദ് എടത്തോടും കൺവീനർ അശോകൻ പരപ്പയും അറിയിച്ചു.