ചെറുപുഴ ജോസ്‌ഗിരിയിൽ വയോധിക കുത്തേറ്റ് മരിച്ചു

ചെറുപുഴ: ക്രിമിനൽ ക്കേസിൽ ശിക്ഷിക്കപ്പെട്ട് ജയിലിൽ കഴിയവെ പരോളിലെത്തിയ യുവാവ് കുടുംബ വഴക്കിൽ വീട്ടമ്മയെ കുത്തിക്കൊന്നു. കുത്തേറ്റ മറ്റ് രണ്ടു പേർ ഗുരുതരാവസ്ഥയിലാണ്. ഇവരെ പരിയാരം മെഡിക്കൽ കോളേജിൽ പ്രവേശിപ്പിച്ചു. ചെറുപുഴ പഞ്ചായത്തിലെ ജോസ്ഗിരി കട്ടപ്പള്ളിയിലെ പൊട്ടക്കൽ പൗലോസിന്റെ ഭാര്യ റാഹേൽ (72 )  ആണ് മരിച്ചത്. പൗലോസ് (78 ) ഇവരുടെ മകൻ ഡേവിഡ് (47) എന്നിവർക്കാണ് പരിക്കേറ്റത്. ഇന്നലെ (13/12/20) രാത്രി 8 മണിയോടെയാണ് സംഭവം. പൗലോസിന്റെ സഹോദര പുത്രൻ ബിനോയ് (40) ആണ് അക്രമിച്ചതെന്ന് പോലീസ് പറഞ്ഞു. ഇയാൾ അടുത്തിടെയാണ് ചീമേനി തുറന്ന ജയിലിൽ നിന്നും പരോളിൽ ഇറങ്ങിയത്. സംഭവത്തിന് ശേഷം നാട്ടുകാർ വിവരമറിയിച്ചതിനെ തുടർന്ന് ചെറുപുഴ പോലീസ് എത്തിയാണ് കുത്തേറ്റവരെ ആശുപത്രിയിലേയ്ക്ക് കൊണ്ടുപോയത്. അക്രമം നടത്തിയ യുവാവ് ഒളിവിൽ പോയിരിക്കുകയാണ്. അക്രമിയായ യുവാവ് ഇന്നലെ രാവിലെ മുതൽ തന്നെ ഇവരുടെ വീട്ടിലെത്തി പ്രശ്നങ്ങ ഉണ്ടാക്കിയതായി പറയുന്നു. മരണപ്പെട്ട റാഹേലിന്റെ മ്യതദേഹം പരിയാരം മെഡിക്കൽ കോളേജിലേയ്ക്ക് മാറ്റി.