എട്ടാം ക്ലാസ് വിദ്യാർത്ഥിയായ 13കാരിക്ക് നേരെ ലൈഗീകമായി ആക്രമിച്ച 56 കാരനായ കടയുടമയെ ചീമേനി പോലീസ് അറസ്റ്റ് ചെയ്തു

ചീമേനി : എട്ടാം ക്ലാസ് വിദ്യാർത്ഥിയായ 13കാരിയെ മാനഭംഗപ്പെടുത്തിയ 56 കാരനായ കടയുടമയെ ചീമേനി പോലീസ് അറസ്റ്റ് ചെയ്തു.ചെമ്പ്രകാനത്ത് പലചരക്ക് കട നടത്തുന്ന വേങ്ങപ്പാറയിലെ ജോസഫ് സോളമനെ (56 ) യാണ് ചീമേനി എസ്ഐ പി രാമചന്ദ്രനും സംഘവും അറസ്റ്റ് ചെയ്തത്. കഴിഞ്ഞദിവസം സ്കൂൾ വിട്ട് വീട്ടിലേക്ക് വരുമ്പോഴാണ് മഴ നനയാതിരിക്കാൻ പെൺകുട്ടി കടയിലേക്ക് കയറിയത്. എന്നാൽ ഈ സമയം ജോസഫ് സോളമൻ പെൺകുട്ടിയെ കയറി പിടിക്കുകയായിരുന്നു. പേടിച്ച് ഓടി രക്ഷപ്പെട്ട കുട്ടി വീട്ടിലെത്തി രക്ഷിതാക്കളോട് വിവരം പറഞ്ഞു. തുടർന്നാണ് പോലീസിൽ പരാതി നൽകിയത്. പരാതി പ്രകാരം പോക്സോ കുറ്റം ചുമത്തി  കേസെടുത്ത ചീമേനി പോലീസ് ഉടൻതന്നെ ഇയാളെ അറസ്റ്റ് ചെയ്യുകയായിരുന്നു.